लोकसत्ता टीम
गोंदिया : हावडा-मुंबई मार्गावर रेल्वे विभागांतर्गत राजनांदगाव ते कळमना दरम्यान तिसरा लोहमार्गाला आमगाव रेल्वे स्थानकाला जोडयासाठी ३५ रेल्वेगाड्या रद्द करण्यात आल्या असताना आता याच मार्गावर इलेक्ट्रानिक इंटरलॉकिंगचे काम करण्यात येणार आहे; तर दुसरीकडे दक्षिण पूर्व रेल्वेच्या चक्रधरपुर खंड अंतर्गत राउरकेला स्टेशनचे यार्ड व आधुनिकीकरणासह तिसऱ्या रेल्वे लाईनला जोडण्याचे कार्य सुरु असल्यामुळे पुन्हा काही रेल्वेगाड्या रद्द करण्यात येत असल्याचे शनिवारी रेल्वे प्रशासनाकडून जाहिर करण्यात आले आहे. त्यामुळे रेल्वेची रद्द मोहिम कायम असल्याचे दिसून येत आहे. यात मात्र,सणासुदीच्या काळात प्रवाशांचे बेहाल होत आहे.
मागील काही महिन्यांपासून रेल्वे गाड्यांचे वेळापत्रक अमुक तमुक कारणांनी बिघडले आहेच. त्यातच आता तिसऱ्या लाईनसाठी अनेक गाड्या रद्द केल्याने प्रवाशांच्या त्रासात आणखीनच भर पडली आहे. दोन ते तीन दिवसांपूर्वी हावडा-मुंबई मार्गावरील मेल, एक्स्प्रेस आणि पॅसेंजर अशा ३५ गाड्या रद्द करण्यात आल्या. यामुळे या मार्गावरील प्रवाशांना मनस्ताप सहन करावा लागत असताना, आता पुन्हा काही रेल्वेगाड्या रद्द करण्यात आल्या आहे. विशेष म्हणजे, दुर्ग-गोंदिया मेमू पॅसेंजर ११ते १३ ऑक्टोबरपर्यंत रद्द करण्यात आली.
तर गोंदिया-दुर्ग मेमू १२ते १४ ऑक्टोबर, इतरवारी- रामटेक मेमू १० ते १३ ऑक्टोबर, रायपूर-डोंगरगड, गोंदिया – रायपूर मेमू १० ते १३ ऑक्टोबर, रायपूर, गोंदिया- डोंगरगड मेमू ११ ते १४ ऑक्टोबर, बिलासपूर-रायपूर इंटरसिटी एक्स्प्रेस १२ ते १४ ऑक्टोबर, भुनेश्वर कुर्ला एक्स्प्रेस ९ ते १४ऑक्टोबर, सिकंदराबाद – रायपूर एक्स्प्रेस ११ ते १३ ऑक्टोबर, रायपूर-सिकंदराबाद १२ ते १४ ऑक्टोबर, बिलासपूर-पुणे व पुणे-बिलासपूर १२ व १३ ऑक्टोबर रोजी रद्द करण्यात आल्या आहे. त्यात शुक्रवारी आणखी भर पडली असून या मार्गावरील १२८८० भूनेश्वर-कुर्ला एक्सप्रेस, १२८७८ कुर्ला- भूनेश्वर एक्सप्रेस, २०८१३ पूरी-जोधपुर एक्सप्रेस, २०८१४ जोधपुर-पूरी एक्सप्रेस हे पण १४ ऑक्टोबरपर्यंत रद्द राहणार आहेत.
या रेल्वेगाड्याही रद्द
चक्रधरपुर खंड अंतर्गत राउरकेला स्टेशनचे यार्ड व आधुनिकीकणासह तिसऱ्या रेल्वे लाईनला जोडण्याचे कार्य सुरु असल्यामुळे या मार्गावरील रेल्वेगाडी क्रमांक ०३२५३ पटना- सिकंदराबाद स्पेशल, ०७२५५ हैदराबाद- पटना स्पेशल, ०७२५६ सिकंदराबाद – पटना, ०७०५२ रक्सौल-हैदराबाद स्पेशल ०७०५१ हैदराबाद-दरभंगा स्पेशल या रेल्वेगाड्याही १४ ऑक्टोबरपर्यंत रद्द राहणार असल्याचे रेल्वे प्रशासनाने जाहीर केले आहे.