RSS Centenary Years : संघ शंभरीत पण प्रार्थनेचे वयोमान ८४….असे का माहितेय…?

100 Years of Rashtriya Swayamsevak Sangh : राष्ट्रीय स्वयंसेवक संघाच्या शाखेत नियमित म्हटली जाणारी प्रार्थना वर्धा जिल्ह्यात जन्मास आली. ‘ नमस्ते सदा वत्सले मातृभूमे ‘ ही ती प्रार्थना होय. ही प्रार्थना सर्वप्रथम २३ एप्रिल १९४० रोजी पुणे येथील संघ शिक्षा वर्गात म्हटली गेली होती. या प्रार्थनेचे प्रारूप सर्वप्रथम १९३९ मध्ये ठरले. वर्धा जिल्ह्यातील सिंदी रेल्वे येथील आप्पाजी जोशी यांच्या वाड्यात त्यावर चर्चा झाली. या बैठकीत आद्य सरसंघचालक डॉ. केशव बळीराम हेडगेवार, श्री गुरुजी, बाबासाहेब आपटे, बाळासाहेब देवरस आप्पाजी जोशी, नानासाहेब टालातुले असे प्रमुख लोक हजर होते. सुरवातीस प्रार्थना अर्धी मराठी व अर्धी हिंदी भाषेत तयार झाली. परंतू संपूर्ण भारताचा विचार करून ती एकच भाषेत असावी, असा विचार पुढे आला.