नांदेड टू नागपूर: सनदी अधिकाऱ्यांच्या बदलीचे काय आहे कनेक्शन? | What is the connection with transfer of chartered officers in nanded to nagpur | Loksatta

नांदेड टू नागपूर: सनदी अधिकाऱ्यांच्या बदलीचे काय आहे कनेक्शन?

राज्यात सत्ताबदल बदल झाल्यावर मोठ्या प्रमाणात सनदी व इतरही अधिकाऱ्यांच्या बदल्यांचे सत्र सुरू झाले. नागपूर त्याला अपवाद नाही.

नांदेड टू नागपूर: सनदी अधिकाऱ्यांच्या बदलीचे काय आहे कनेक्शन?
प्रातिनिधिक छायाचित्र /लोकसत्ता

नागपूर: सनदी अधिकाऱ्यांच्या बदल्या ही नियमित प्रशासकीय बाब आहे. दर तीन वर्षांनंतर अधिकाऱ्यांच्या बदल्या होत असतात. सत्ताबदल झाला तरी मर्जीतील अधिकाऱ्यांना आपल्या जिल्ह्यात नेण्याचा प्रघात आहे. राज्यात सत्ताबदल बदल झाल्यावर मोठ्या प्रमाणात सनदी व इतरही अधिकाऱ्यांच्या बदल्यांचे सत्र सुरू झाले. नागपूर त्याला अपवाद नाही. मात्र येथे बदलून आलेल्या काही अधिका-याचे नांदेड कनेक्शन सध्या प्रशासकीय वर्तुळात चर्चेचा विषय आहे.

नागपूरला जिल्हाधिकारीपदावर बदली होऊन आलेले डॉ. विपीन इटनकर हे नांदेड येथूनच आले. तेथे ते जिल्हाधिकारी होते. तेथून त्यांची नागपूरला बदली झाली. त्यानंतर नांदेडचेच निवासी उपजिल्हाधिकारी प्रदीप कुळकर्णी यांची नागपूरच्या विभागीय आयुक्त कार्यालयात उपायुक्तपदी पदोन्नतीवर बदली झाली.

हेही वाचा: आणखी दोन अधिकाऱ्यांवर कारवाई; बल्लारशा रेल्वे पूल दुर्घटनेप्रकरणी आतापर्यंत ४ अधिकाऱ्यांचे निलंबन

आता मंगळवारी २९ नोव्हेंबरला नांदेड जिल्ह्यातीलच देगलूरच्या सहाय्यक जिल्हाधिकारी सौम्म्या शर्मा यांची नागपूर जिल्हा परिषदेच्या मुख्य कार्यकारी अधिकारीपदी नियुक्ती करण्यात आली. त्या २०१७ च्या तुकडीतील आयएएस अधिकारी आहेत. या पूर्वी नांदेडचे काही पोलीस अधिकारी अधिकारी सुध्दा नागपूरमध्ये बदली होऊन आले आहेत.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 30-11-2022 at 12:43 IST
Next Story
आणखी दोन अधिकाऱ्यांवर कारवाई; बल्लारशा रेल्वे पूल दुर्घटनेप्रकरणी आतापर्यंत ४ अधिकाऱ्यांचे निलंबन