नवी मुंबई एमआयडीसीतील सेवा रस्ता लगतचे भूखंड देणे घातक, वनमंत्री गणेश नाईक यांचे विधान

एकनाथ शिंदे यांच्या कालखंडामध्ये त्यांची इच्छा नसतानाही काही गोष्टी चुकीच्या घडल्या आणि हे मी त्यांनाही बोललो होतो. त्यावेळी त्यांची हतबलता नव्हती. परंतु काही गोष्टी त्या कालखंडामध्ये सहन कराव्या लागतात. नजरेला चांगले दिसत नसतानाही त्याकडे दुर्लक्ष करावे लागते, असे विधान वनमंत्री गणेश नाईक यांनी बुधवारी नवी मुंबईतील कार्यक्रमात बोलताना केले होते. नवी मुंबई पोलीस आयुक्लयाच्या वतीने शहरात ‘नशामुक्ती अभियान’ राबविण्यात येत असून मुख्यमंत्री देवेंद्र फडणवीस यांच्या हस्ते अभियानाचा शुभारंभ बुधवारी झाला. यावेळी नाईक यांनी हे वक्त्यव्य केले होते. असे असतानाचा आता गणेश नाईक यांनी नवी मुंबईतील एमआयडीसी भूखंड वाटपाबाबत मोठे विधान करताना गेल्या पाच वर्षांत ठाणे-बेलापूर अैाद्योगिक पट्ट्यात झालेल्या भूखंडवाटपाविषयी देखील पुन्हा हरकत नोंदवली आहे.

हे ही वाचा… नवी मुंबईत पार्किग कोंडीवर अखेर उतारा, महापालिकेच्या नव्या धोरणात मुबलक पार्किंगचे नियोजन

हे ही वाचा… घरांचे दर ठरविताना अध्यक्षांना विश्वासात घेतले नव्हते का? सिडकोच्या सोडत प्रक्रियेतील संतप्त अर्जदारांचा सवाल

वाद काय ?

गणेश नाईक आमदार असताना त्यांनी ठाणे – बेलापूर रस्त्याजवळच्या आणि नवी मुंबई एमआयडीसी क्षेत्रातील सेवा रस्ता लगतचे भूखंड विकण्यासाठी ठाणे, रत्नागिरी आणि सिंधुदुर्ग येथील दलालांची टोळी सक्रिय झाली असल्याचा आरोप पत्रकार परिषदेत केला होता. या भूखंडाचा उपयोग हा विविध विकासकामे उभारण्यासाठी अपेक्षित असल्याचे त्यांनी सातत्याने सांगितले होते. याच भूखंडाचा वाद आहे. नवी मुंबई एमआयडीसीतील सेवा रस्ता लगतचे भूखंड देणे अत्यंत घातक आहे. हे भूखंड देण्याबाबत तत्कालीन मुख्यमंत्री एकनाथ शिंदे हे देखील सकारात्मक नव्हते. तरीही हे भूखंड दिले गेले आहेत. एकनाथ शिंदे यांनी भूखंड देण्याबाबतची प्रकिया रद्द करण्याचे आदेश दिले होते. या आदेशाबाबत भविष्यकाळात कारवाई होईल असा मला विश्वास असल्याचेही गणेश नाईक यांनी स्पष्ट केले आहे.