बिग बी फ्रेंच दाढी का ठेवतात? तुम्हाला माहितेय का यामागचं रहस्य…

बिग बी गेल्या अनेक वर्षांपासून फ्रेंच कट दाढी ठेवत असल्याचं तुमच्या निदर्शनास आलं असेल. पण त्यांची ही स्टाइल केवळ फॅशन नाही, तर यामागे एक रहस्य आहे. बॉलिवूडचे महानायक अमिताभ बच्चन हे त्यांच्या अभिनया व्यतिरिक्त आपल्या लुकमुळे सुद्धा ते साकारत असलेल्या भूमिका जिवंत करत असतात. बिग बी यांच्या फ्रेंच दाढीमागचं रहस्य हे त्यांच्या चित्रपटाच्या संबंधित आहे. बिग बींनी स्वतः हा किस्सा शेअर केलाय. ‘रंग दे बसंती’, ‘भाग मिल्खा भाग’ अशा सुपरहिट चित्रपटाचे दिग्दर्शक राकेश ओमप्रकाश मेहरा यांचं नुकतंच प्रकाशित झालेल्या ‘द स्ट्रेंजर इन द मिरर’ या पहिल्या पुस्तकात बिग बींनी हा किस्सा शेअर केलाय. बॉलिवूडते दिग्दर्शक राकेश ओमप्रकाश मेहरा यांच्या 'अक्स' या चित्रपटात बिग बी अमिताभ बच्चन यांनी काम केलंय. या चित्रपटातील अमिताभ बच्चन यांच्या पात्रानुसार फ्रेंच कट दाढीमध्ये ही भूमिका आखली गेली होती. आपल्यापेक्षा अनुभवाने मोठा असलेल्या कलाकाराला हे सांगताना दिग्दर्शक राकेश यांना अवघडल्या सारखं जात होतं. अमिताभ बच्चन यांनी 'अक्स' चित्रपटाची स्क्रीप्ट जहाजमध्ये बसून वाचायला घेतली होती. स्क्रीप्ट वाचून अमिताभ बच्चन यांची प्रतिक्रिया जाणून घेण्यासाठी दिग्दर्शक राकेश खूपच उत्साहित होते. काहीसे चिंतेत ही होते. ज्यावेळी बिग बींनी स्क्रीप्ट वाचली त्यावेळी त्यांनी विचारलं, "ही स्क्रीप्ट लिहीत असताना काय प्यायले होते?" दिग्दर्शक राकेश म्हणाले, "कोक आणि रम". त्यावर अमिताभ बच्चन यांनी स्क्रीप्ट वाचून भूमिका करण्यासाठी होकार दिला. त्यानंतर त्यांनी स्क्रीप्टनुसार आपला लुक देखील बदलला. त्यांना हा फ्रेंच कट दाढीमधला लुक इतका आवडला की आतापर्यंत त्यांनी हाच लुक ठेवलाय. 'अक्स' चित्रपटाला रिलीज होऊन १४ वर्षे पूर्ण झाल्याच्या निमित्ताने बिग बींनी हा किस्सा शेअर केला होता. (Photo : Instagram/amitabhbachchan)