Photos: शाल्मलीचं साधेपणानं लग्न; १५ पाहुण्यांच्या उपस्थितीत बांधली लग्नगाठ

मराठी तसंच हिंदी चित्रपटसृष्टीमध्ये आपल्या सुमधूर आवाजाने साऱ्यांना मंत्रमुग्ध करणारी गायिका म्हणजे शाल्मली खोलगडे.आज कला क्षेत्रामध्ये शाल्मलीने स्वत:च भक्कम स्थान निर्माण केलं आहे.कुठल्याही पट्टीत तितक्याच ताकदीनं गाण्याची कसब अंगात असलेली शाल्मली आद जगभरात प्रसिद्ध आहे. बॉलिवूडमधील अनेक नावाजलेल्या अभिनेत्रींना तिने आपला आवाज दिला आहे.शाल्मलीने बॉयफ्रेण्ड फरहान शेखसोबत लग्नगाठ बांधली. या दोघांनी सोमवारी २२ नोव्हेंबरला लग्नगाठ बांधली.या दोघांच्या विवाहाची अचानक आलेली वार्ता त्यांच्या चाहत्यांसाठी आश्चर्याचा सुखद धक्का ठरली आहे. शाल्मली आणि फरहान बऱ्याच काळापासून रिलेशनशिपमध्ये होते.१५ पाहुण्यांच्या उपस्थितीत हा लग्नसोहळा पार पडला.शाल्मलीच्या लग्नाचे फोटो सध्या सोशल मीडियावर तुफान व्हायरल झाले आहेत.शाल्मली आणि फरहानवर चाहत्यांकडून भरभरून शुभेच्छांचा वर्षाव होत आहे.(सर्व फोटो सौजन्य : शाल्मली खोलगडे / इन्स्टाग्राम)