Ashram 3 च्या ‘बाबा निराला’चा पत्नीसोबत रोमँटीक अंदाज, बॉबी देओलचे हे फोटो पाहिलेत का?

अभिनेता बॉबी देओलची सर्वाधिक चर्चेत राहिलेली वेब सीरिज 'आश्रम'चा तिसरा भाग येत्या ३ जूनला प्रेक्षकांच्या भेटीला येत आहे. या वेब सीरिजमध्ये बॉबी देओलनं 'बाबा निराला' ही भूमिका साकारली असून प्रेक्षकांनी या भूमिकेचं बरंच कौतुकही केलं आहे. 'आश्रम' वेब सीरिजमध्ये बॉबी देओल खलनायकी भूमिकेत दिसला असला तरी खऱ्या आयुष्यात मात्र तो खूपच शांत आणि रोमँटीक आहे. बॉबी देओल पत्नीला स्वतःची लाइफ लाइन मानतो आणि याचा उल्लेख त्याने बऱ्याच सोशल मीडिया पोस्टमध्ये केला आहे. नुकताच बॉबी देओलनं त्याच्या लग्नाचा २६ वा वाढदिवस साजरा केला आणि यावेळी त्यानं पत्नीसोबतचे रोमँटीक फोटोही शेअर केले. बॉबी देओल आणि त्याची पत्नी तान्या यांचं लग्न १९९६ मध्ये झालं असून त्यांना आर्यमन आणि धर्म ही दोन मुलं देखील आहेत. अनेक मुलाखतींमध्ये बॉबी देओलनं पत्नीवरील प्रेम व्यक्त करतानाच ती त्याची सर्वात मोठी सपोर्ट सिस्टिम असल्याचंही म्हटलं आहे. बॉबीला डिप्रेशनमधून बाहेर येण्यासही तिने मदत केली होती. बॉबी देओल नेहमीच पत्नी तान्यासोबतचे रोमँटीक फोटो इन्स्टाग्रामवर शेअर करतो. ज्याला चाहत्यांची चांगली पसंती मिळताना दिसते. दरम्यान सध्या प्रेक्षकांना बॉबी देओलच्या 'आश्रम ३'बाबत बरीच उत्सुकता आहे. त्याची ही वेब सीरिज सुपरहिट राहिली आहे. (फोटो- बॉबी देओल इन्स्टाग्राम)