चित्रपटासाठी १०० कोटी मानधन घेणारा अक्षय एका जाहिरातीसाठी किती पैसे घेतो माहितये का?

बॉलिवूड अभिनेता अक्षय कुमार सध्या त्याच्या 'सम्राट पृथ्वीराज' या चित्रपटामुळे चर्चेत आहे. या चित्रपटात अक्षयसोबत माजी मिस वर्ल्ड मानुषी छिल्लरसोबत दिसत आहे. हा चित्रपट सिनेगृहांमध्ये प्रदर्शित झाला आहे. या चित्रपटाबद्दल लोकांमध्ये प्रचंड उत्साह पाहायला मिळत आहे. अक्षय कुमार हा असा अभिनेता आहे जो एका वर्षात ४ ते ५ चित्रपट करतो. खिलाडी कुमार हा बॉलिवूडमधील सर्वाधिक मानधन घेणारा अभिनेता आहे. अनेक बॉलीवूड सेलिब्रिटींना संपूर्ण चित्रपटासाठी जेवढे पैसे मिळतात त्यापेक्षा जास्त पैसे अक्षय कुमार एका जाहिरातीसाठी जास्त पैसे घेतो. अलीकडे अक्षय कुमार तंबाखूच्या जाहिरातींमुळे चर्चेत आला होता. यानंतर अक्कीने तंबाखूच्या या जाहिरातीतून माघार घेतली. मीडिया रिपोर्ट्सनुसार, अक्षय कुमार प्रत्येक जाहिरातीसाठी ६ ते ७कोटी रुपये घेतो. अक्षयकडे फेस वॉश, परफ्यूम, क्रीम, शॅम्पू-कंडिशनर आणि केसांच्या तेलाच्या जाहिराती आहेत. या शिवाय अक्षय सरकारी जाहिरातींमधूनही चांगली कमाई करतो. अक्षय हा देशातील सर्वाधिक कमाई करणाऱ्या सेलिब्रिटींपैकी एक आहे. अक्षय त्याच्या फीमुळे अनेकदा चर्चेत असतो. मिळालेल्या माहितीनुसार, अक्षयने त्याच्या नवीन चित्रपटासाठी १०० कोटींहून अधिक रुपये मानधन म्हणून घेतले आहेत. अक्षयची कमाई त्याला बॉलिवूडमधील सर्वात मोठ्या सुपरस्टार्सपैकी एक बनवते. फोर्ब्सनुसार अक्षय कुमारची एकूण संपत्ती ५०० कोटी रुपये आहे. १०० हून अधिक चित्रपटांमध्ये दिसलेल्या अक्षयची एकूण संपत्ती २०५० कोटी रुपये आहे, तर अभिनेत्याकडे ११ लक्झरी वाहने आणि बाईक देखील आहेत. अभिनेता त्याच्या कुटुंबासह जुहू येथील समुद्र किणाऱ्यासमोर असलेल्या बंगल्यात राहतो. एका अहवालानुसार, अक्षयची जुहूची संपत्ती जवळपास ८० कोटी रुपयांची आहे. याशिवाय, अक्षयकडे खार पश्चिम येथे एक आलिशान अपार्टमेंट देखील आहे, ज्याची किंमत सुमारे ७.८ कोटी आहे. २०१७ मध्ये त्यांनी अंधेरीमध्ये सुमारे १८ कोटी रुपये किंमतीचे चार फ्लॅट खरेदी केले होते. (All Photo Credit : Akshay Kumar Instagram)