लग्नानंतर ‘या’ आलिशान घरात राहते अनिल कपूर यांची लेक सोनम कपूर

बॉलिवूडची फॅशनिस्टा म्हणून अभिनेत्री सोनम कपूर ओळखली जाते. आज सोनमचा ३७ वा वाढदिवस आहे. सोनम ही नेहमीच सोशल मीडियावर सक्रीय असते. आज तिच्या वाढदिवसानिमित्ताने लग्नानंतर ती कोणत्या घरात राहते ते जाणून घेणार आहोत. 'सावरियाँ' या चित्रपटातून सोनमने कलाविश्वात पदार्पण केलं. सोनम कपूरने सह दिग्दर्शक म्हणून सुरूवातीला काम पाहिले होते. याचं तिला तीन हजार रूपये मानधन मिळाले होते. अनिल कपूर यांची लेक असलेल्या सोनमला सुरुवातीच्या काळात कलाविश्वात फारसं यश मिळालं नाही. मात्र 'नीरजा' या चित्रपटातून तिने तिच्या अभिनयाची एक नवीन बाजू प्रेक्षकांसमोर सादर केली. ८ मे २०१८ रोजी सोनमने आनंद आहुजा याच्यासोबत लग्नगाठ बांधली. या दोघांनी शीख पद्धत ‘आनंद कारज’ या पद्धतीनुसार लग्न केले. लग्न झाल्यानंतर सोनम आणि तिचा पती आनंद हे लॉकडाऊनमध्ये दिल्लीतील घरात राहत होते आणि आता ते लंडनमधील आलिशान घरात राहतात. सोनम कपूरने Architectural Digest या मासिकासाठी घराचे फोटोशूट केले आहे. यात सोनमच्या घरातील फर्निचर, भिंतीची रंगसंगती, कॉफी टेबल यासह विविध वस्तू पाहायला मिळत आहे. सोनमच्या लंडनच्या घरी ब्राऊंन रंगाचं फर्निचर असून भिंतीवर चित्र काढण्यात आलं आहे. सोनमच्या बेडरूममध्ये निळ्या रंगाचा वापर मोठ्या प्रमाणात करण्यात आला आहे. सोनमच्या बाथरूमला आलिशान डेकोरेशन करण्यात आले आहे. हॉलवेमध्ये ब्राऊन रंगाचा सुंदर नक्षी काम असलेला दरवाजा आहे. तिच्या घरात आणखी एक बेडरूम असून त्याचं फर्निचर हे पांढऱ्या रंगाचं आहे. सोनमच्या घरात देखील निळ्या रंगाचा वापर करण्यात आला आहे. लॉकडाऊनमध्ये आनंद आणि सोनम दिल्लीत अडकले होते, सोनम आणि आनंद यांच्या दिल्लीतील बेडरूमचं फर्निचर पांढऱ्या रंगाचं आहे. लॉकडाऊनमध्ये आनंद दिल्लीच्या घरातून काम करत होता. या फोटोमध्ये आनंद आणि सोनम दोघंही पुस्तक वाचण्यात व्यस्त आहेत. सोनम स्वत: साठी नेहमीच वेळ काढण्याचा प्रयत्न करते. अभिनयासोबतच सोनमला स्वयंपाक करण्याची आवड असल्याचं दिसून येत आहे. घरातल्यांसाठी स्वयंपाक करताना सोनम. सोनमच्या घरापुढे विस्तीर्ण लॉन आहे. स्टडी रुममध्ये पुस्तकं पाहताना आनंद. आनंदला वेगवेगळ्या शूजची आवड असून त्याने वेगवेगळ्या ब्रॅण्डचे आणि स्टाइलच्या शूजचं कलेक्शन केल्याचं दिसून येत आहे. लॉकडाउनमुळे जीम वगैरे बंद असताना आनंद त्याच्या लॉनमध्ये योगा करताना. (All Photo Credit : Sonam Kapoor Instagram / Architectural Digest India)