Photos : हळदीच्या रंगात रंगले यश-नेहा; ‘माझी तुझी रेशीमगाठ’ मालिकेत लगीनघाई

झी मराठीवरील ‘माझी तुझी रेशीमगाठ’ ही मालिका प्रेक्षकांच्या पसंतीस उतरत आहे. या मालिकेने अल्पावधीतच लोकप्रियतेचं शिखर गाठलं. मालिकेप्रमाणेच त्यातील पात्रांवरही प्रेक्षक भरभरून प्रेम करत आहेत. ‘माझी तुझी रेशीमगाठ’ मालिका रंजक वळणावर आहे. मालिकेत यश-नेहाच्या लग्नाची धामधूम पाहायला मिळत आहे. नुकताच यश आणि नेहाचा साखरपुडा सोहळा अगदी दिमाखदार पद्धतीने पार पडला. त्यानंतर यशची बॅचलर पार्टी आणि नेहाच्या मेहंदीचा कार्यक्रमदेखील उत्साहात झाला. आता लवकरच यश-नेहा हळदीच्या रंगात रंगणार आहेत. यश-नेहाच्या लग्नातील हळदीचा शानदार सोहळा प्रेक्षकांना मालिकेत पाहायला मिळणार आहे. नेहाने हळदी सोहळ्यासाठी पिवळ्या रंगाच्या साडी आणि फुलांच्या ज्वेलरीने खास लूक केला आहे. तर यशने पिवळ्या रंगाचा ड्रेस परिधान केला आहे. लाडक्या परीनेही हळदी सोहळ्यासाठी खास लूक केला आहे. हळदी सोहळ्यात नवरदेव यश आणि नवरी नेहा दोन्हीकडून कल्ला असणार आहे. यश-नेहाच्या हळदी सोहळ्यातील खास क्षण. 'माझी तुझी रेशीमगाठ' मालिकेच्या लग्न विशेष सप्ताहमध्ये प्रेक्षकांना यश-नेहाच्या विवाहसोहळ्यातील धमाल पाहायला मिळणार आहे.