समांथासोबत घटस्फोट झाल्यानंतर नागा चैतन्य करतोय OTT वरील ‘या’ अभिनेत्रीला डेट

दाक्षिणात्य अभिनेत्री समांथा रुथ प्रभू आणि नागा चैतन्य यांचा गेल्या वर्षी घटस्फोट झाला. घटस्फोटानंतर नागाच्या आयुष्यात पुन्हा एकदा प्रेम परतले असल्याची चर्चा आहे. जाणून घेऊया काय आहे हे संपूर्ण प्रकरण... बॉलिवूड लाईफने दिलेल्या वृत्तानुसार, नागा चैतन्यचे नाव अभिनेत्री शोभिता धुलिपालासोबत जोडले जात आहे. दोघंही अनेकदा एकत्र स्पॉट झाले आहेत. नुकतेच नागाने हैदराबादमध्ये नवीन घर घेतले आहे. शोभिताही त्याच्यासोबत या घरी दिसली आहे. यासोबतच हैदराबादमधील शोभिता ज्या हॉटेलमध्ये राहिली तेथेही नागा अनेकदा दिसला होता. शोभिता धुलिपाला एक अभिनेत्री आणि मॉडेल आहे. शोभिताचा जन्म ३१ मे १९९२ रोजी आंध्र प्रदेशमध्ये झाला. शोभिताने मुंबई विद्यापीठाच्या एचआर कॉलेज ऑफ कॉमर्स अँड इकॉनॉमिक्समधून शिक्षण घेतले. शोभिताने २०१६ मध्ये 'रमन राघव 2.0' या चित्रपटातून चित्रपटसृष्टीत पदार्पण केले. यानंतर शोभिताने तेलुगू चित्रपट 'गुडाचारी'मध्ये काम केले. शोभिताला तिची खरी ओळख अॅमेझॉन प्राइमच्या 'मेड इन हेवन' या वेबसीरिजमधून मिळाली. या सीरिजमुळे शोभिताला खरी लोकप्रियता मिळाली. शोभिता नुकत्याच प्रदर्शित झालेल्या ‘मेजर’ या चित्रपटात होती. (All Photo Credit : Social Media)