‘कॉफी विथ करण’चा एका एपिसोडसाठी करण जोहर घेतो इतके कोटी, रक्कम ऐकून व्हाल थक्क

बॉलिवूड दिग्दर्शक करण जोहर हा लोकप्रिय सेलिब्रिटींपैकी एक आहे. करण सध्या 'कॉफी विथ करण' या त्याच्या टॉक शोमुळे चर्चेत आहे. 'कॉफी विथ करण'च्या शोचे हे ७ पर्व सुरु आहे. अनेक सेलिब्रिटी या शोमध्ये हजेरी लावतात. पण या शोमध्ये कलाकारांशी गप्पा मारत करण किती कमाई करतो तुम्हाला माहितीये का? 'कॉफी विथ करण'चं ७ पर्व हे ७ जुलै पासून सुरुवात झाली आहे. सीझनच्या पहिल्या एपिसोडमध्ये अभिनेत्री आलिया भट्ट आणि अभिनेता रणवीर सिंग यांनी हजेरी लावली होती. या एपिसोडमध्ये करणने दोघांच्या आयुष्यातील अनेक सिक्रेट प्रेक्षकांसमोर आणले आहेत. करणच्या या शोचे लाखो चाहते आहेत. रिपोर्ट्सनुसार, करण हा शो होस्ट करण्यासाठी कोटी रुपये मानधन म्हणून घेतो. करण एका एपिसोडसाठी २ कोटी रुपये मानधन घेत असल्याचे म्हटले जाते. तर त्यानुसार तो एकूण २० ते २२ एपिसोड शूट करतो आणि त्यासाठी करण जवळपास ४०-४४ कोटी रुपये मानधन म्हणून घेतो. (Photo Credit : Karan Johar Instagram) आणखी वाचा : ‘ठाण्याचे बाळासाहेब ठाकरे’ अशी ओळख असणाऱ्या आनंद दिघेंबद्दलच्या या गोष्टी माहित आहे का?