Photos : कोट्यवधींची मालकीण असलेली सुष्मिता सेन लग्झरी गाड्यांची शौकीन, महिन्याला कमावते…

बॉलिवूड अभिनेत्री सुष्मिता सेन गेल्या बऱ्याच काळापासून कलाविश्वापासून दूर आहे. सुष्मिता सेन आणि आयपीएलचे माजी चेअरमन ललित मोदी यांनी लग्न केल्याची जोरदार चर्चा रंगली आहे. मात्र ललित मोदी यांनी लंडनहून ट्वीट करत याबाबत खुलासा केला आहे. आपल्या ट्वीटमध्ये ललित मोदी यांनी आम्ही दोघांनी लग्न केलं नसल्याचं स्पष्टीकरण दिलं. तसेच आम्ही सध्या एकमेकांना डेट करत आहोत, अशी कबुली दिली. सोशल मीडियावर सुष्मिताच्या संपत्तीविषयी चर्चा रंगू लागली आहे. १९९४ मध्ये सुष्मिता सेनने 'मिस युनिव्हर्स'चा किताब जिंकला होता. माध्यमांनी दिलेल्या वृत्तानुसार, सुष्मिता ७४ कोटी संपत्तीची मालकीण आहे. सुष्मिताची एका महिन्याची कमाई जवळपास ६० लाख रुपये आहे. सुष्मिता एका चित्रपटासाठी जवळपास ३ ते ४ कोटी रुपये घेते. त्यासोबतच मॉडेलिंगचे अनेक प्रोजेक्ट्स सुष्मिता करते. या व्यतिरिक्त ब्रँडचे प्रमोशन करण्यासाठी सुष्मिताला चांगलीच रक्कम दिली जाते. सुष्मिता जाहिरातीत काम करत दीड कोटी रुपयांची कमाई करते. २०२१ मध्ये सुष्मिताच्या संपत्तीत वाढ झाली आहे. सुष्मिता एका वर्षात ७ ते ८ कोटी रुपये कमवते. सुष्मिताला लग्झरी कार फार आवडतात. १९९६ मध्ये प्रदर्शित झालेल्या 'दस्तक' या चित्रपटातून सुष्मिताने बॉलिवूडमध्ये पदार्पण केले होते. सुष्मिताने २००० साली रेने आणि २०१० साली अलिशा या दोन मुलींना दत्तक घेतले. सुष्मिता बऱ्याच वेळा तिच्या मुलींसोबतचे फोटो, व्हिडीओ सोशल मीडियावर शेअर करत असते. (सर्व फोटो सौजन्य : सुष्मिता सेन / इन्स्टाग्राम) (हेही पाहा : पांढऱ्या साडीत मलायका अरोराचं हॉट फोटोशूट)