Happy Birthday Katrina : पहिल्याच सिनेमात फ्लॉप ठरलेली कतरिना आज घेते इतकं मानधन; कोट्यवधींच्या संपत्तीची आहे मालकीण

अभिनय आणि सौंदर्याने चाहत्यांच्या मनावर छाप पाडणाऱ्या कतरिना कैफचा आज ३९वा वाढदिवस आहे. कतरिनाने चित्रपटसृष्टीत स्वत:चं वेगळं स्थान निर्माण केलं. २००३ साली कतरिनाने ‘बुम’ चित्रपटातून बॉलिवूडमध्ये पदार्पण केलं. या चित्रपटात कतरिनाने बिग बी अमिताभ बच्चन, अभिनेता गुलशन ग्रोवर यांच्यासोबत स्क्रीन शेअर केली होती. परंतु, कतरिनाचा पहिलाच चित्रपट फ्लॉप ठरला होता. ‘सरकार’, ‘पार्टनर’, ‘जब तक है जान’, ‘एक था टायगर’ या बॉलिवूड चित्रपटांतून प्रेक्षकांची मनं जिंकून घेतली. कतरिनाने ‘मल्लीस्वरी’ या दाक्षिणात्य चित्रपटातही काम केलं आहे. कतरिना बॉलिवूडमधील टॉपच्या अभिनेत्रींपैकी एक आहे. एका चित्रपटासाठी कतरिना १० कोटी रुपये मानधन घेत असल्याची माहिती आहे. मीडिया रिपोर्टनुसार, कतरिना ३०६ कोटी संपत्तीची मालकीण आहे. मुंबईत कतरिनाचे स्वत:च्या मालकीचे दोन फ्लॅट्स आहेत. याशिवाय तिच्याकडे महागड्या गाड्यादेखील आहेत. रेंज रोवर, लॅंड रोवर, ऑडी क्यू ७, मर्सिडीज या लक्झरी कार कतरिनाकडे आहेत. १० डिसेंबर २०२१ रोजी कतरिना अभिनेता विकी कौशलसोबत विवाहबंधनात अडकली. लग्नानंतरचा पहिलाच वाढदिवस साजरा करण्यासाठी कतरिना आणि विकी कौशल मालदीवला गेले आहेत. कतरिना ‘फोन बुथ’ या चित्रपटातून प्रेक्षकांच्या भेटीला येणार आहे. ७ ऑक्टोबरला हा चित्रपट प्रदर्शित होणार आहे. (सर्व फोटो : कतरिना कैफ/ इन्स्टाग्राम) (हेही पाहा : हुबेहूब कतरिनाच!, व्हायरल फोटोंमधील मॉडेल नक्की आहे तरी कोण?)