“उर्फी जावेदला टक्कर देण्याचा विचार आहे का ?”, रिप्ड जीन्समुळे उर्वशी रौतेला ट्रोल

अभिनेत्री उर्वशी रौतेला ही तिच्या सौंदर्यासोबतच तिच्या हटके स्टाईलसाठी ओळखली जाते. उर्वशीचा ग्लॅमरस अंदाज अनेकांना भुरळ घालतो. उर्वशी सोशल मीडियावरही सक्रिय असते. वेगवेगळ्या लूकमधील फोटो ती चाहत्यांसोबत शेअर करत असते. नुकतेच उर्वशीने तिचे काही ग्लॅमरस फोटो सोशल मीडियावर शेअर केले आहेत. यावेळी मात्र उर्वशी तिच्या फॅशनमुळे ट्रोल झालीय. उर्वशीने गुलाबी रंगाचं टॉप आणि रिप्ड डेनिम परिधान केलीय. उर्वशीने परिधान केलेल्या रिप्ड जीन्सला पुढील बाजुने काही कटस् आहेत. तर या जीन्सला मागील बाजूनेही कटस् आहेत. उर्वशीचे हे फोटो सोशल मीडियावर व्हायरल होत आहेत. काहींनी तिच्या लूकला पसंती दिलीय. तर काही नेटकऱ्यांनी मात्र ट्रोल केलंय. "उर्फी जावेदला टक्कर देण्याचा विचार आहे का मॅडम" अशी कमेंट एका नेटकऱ्याने केलीय. तर अनेकांनी "पूर्णपणे फाटलेली जीन्स का घातलीय", असं म्हणत तिला हिणवलं आहे. या आधीदेखील उर्वशीने विमानप्रवासात असे हटके कपडे परिधान केले होते.(All Photos/Instagram@urvashirautela)