Photos : न्यूड फोटोशूटनंतर रणवीर सिंग पुन्हा चर्चेत; दीपिकासोबतचे रोमॅंटिक फोटो सोशल मीडियावर व्हायरल

बॉलिवूड अभिनेता रणवीर सिंग गेल्या काही दिवसांपासून समाजमाध्यमांमध्ये चर्चेत आहे. ‘पेपर’ या इंग्रजी मासिकासाठी रणवीरने केलेल्या न्यूड फोटोशूटचे फोटो सोशल मीडियावर तुफान व्हायरल झाले. अनेकांनी रणवीरच्या या फोटोशूटचं कौतुक केलं तर काहींनी त्यावर टीकाही केली. एवढंच नाही तर न्यूड फोटोशूट केल्यामुळे त्याच्याविरोधात तक्रारही दाखल करण्यात आली. आपल्या हटके स्टाइलमुळे सगळ्यांचं लक्ष वेधून घेणारा रणवीर गेल्या काही दिवसांपासून चर्चेचा केंद्रबिंदू बनला आहे. न्यूड फोटोशूटनंतर पुन्हा एकदा रणवीर प्रकाशझोतात आला आहे. रणवीरने दीपिकासोबतचे काही फोटो त्याच्या इन्स्टाग्राम अकाऊंटवरून शेअर केले आहेत. ‘मिजवान फॅशन शो’मध्ये रणवीर सिंग आणि दीपिका पदुकोण सहभागी झाले होते. या फॅशन शो दरम्यानच्या रणवीर-दीपिकाच्या फोटोंनी चाहत्यांचं लक्ष वेधून घेतलं आहे. ‘मिजवान फॅशन शो’साठी रणवीर-दीपिकाने खास मनिष मल्होत्राने डिझाइन केलेले ड्रेस परिधान केले होते. रणवीरने काळ्या रंगाचा एम्ब्रॉयडरी सूट परिधान केला होता. तर दीपिका भरजरी लेहेंग्यात दिसून आली. ‘मिजवान फॅशन शो’मधील रणवीर-दीपिकाचा रॅम्प वॉकचा व्हिडीओही सोशल मीडियावर व्हायरल होत आहे. रणवीर-दीपिका ही जोडी बॉलिवूडमधील लोकप्रिय जोड्यांपैकी एक आहे. रणवीर-दीपिकाच्या या फोटोंवर चाहत्यांकडून लाइक्स आणि कमेंट्सचा वर्षाव होतो आहे. (सर्व फोटो : रणवीर सिंग, दीपिका पदुकोण, मनिष मल्होत्रा/ इन्स्टाग्राम) (हेही पाहा : “कपडे परिधान का केले?” न्यूड लूकनंतर रणवीर सिंगचं पहिलं फोटोशूट चर्चेत )