Photos : अनन्या पांडे आणि विजय देवरकोंडा यांचं लायगर चित्रपटाच्या प्रमोशननिमित्त हटके फोटोशूट

अनन्या पांडे आणि विजय देवरकोंडा हे करण जोहरच्या आगामी 'लायगर' या चित्रपटात एकत्र झळकणार आहे. हा सिनेमा एका बॉक्सरच्या आयुष्यावर आणि त्याच्या संघर्षावर बेतलेला आहे. त्याच निमित्ताने हे दोघे सध्या प्रमोशनमध्ये व्यस्त आहेत. नुकतंच अनन्या पांडे आणि विजय देवरकोंडा यांनी एकत्र फोटोशूट केलं आहे. अनन्या आणि विजय यांच्याबरोबर साऊथ इंडस्ट्रीची दिग्गज अभिनेत्री रम्या कृष्णनसुद्धा या सिनेमात आपल्याला बघायला मिळेल. या फोटोशूटमध्ये अनन्या ग्लॅमरस अवतारात तुम्हाला पाहायला मिळेल. अनन्या सध्या सोशल मीडियावर तिच्या वेगवेगळ्या लूकसाठी चर्चेत असते. याबरोबरच स्टारकीड म्हणून तिला सोशल मीडियावर चांगलंच ट्रोलही केलं जातं. या फोटोशूटमध्ये अनन्याने निळ्या रंगाचा लेहंगा परिधान केला आहे. अनन्याने करण जोहरच्या सिनेमातून पदार्पण केलं पण तिच्या गेहराईयां या चित्रपटातल्या कामाची प्रेक्षकांनी तारीफ केली. अनन्या आणि विजयच्या या आगामी सिनेमात लोकप्रिय बॉक्सर माईक टायसनचीसुद्धा झलक लोकांना पाहायला मिळू शकते. विजय देवरकोंडा याचा हा पहिलाच हिंदी चित्रपट असणार आहे. (सगळे फोटो सौजन्य : इन्स्टाग्राम)