Photos : अभिनेत्री अनन्या पांडेचा खास ‘डेनीम लूक’ झालाय चांगलाच व्हायरल!

अभिनेत्री अनन्या पांडे आणि साऊथचा अभिनेता विजय देवरकोंडा यांच्या 'लाइगर' चित्रपटाची चांगलीच चर्चा आहे. त्याच निमित्ताने गेले काही दिवस अनन्या सोशल मीडिया अकाऊंटवर अॅक्टिव आहे. वेगवेगळ्या लूकमधलं फोटोशूट आणि प्रमोशनचे फोटोज ती तिच्या सोशल मीडिया अकाऊंटवर पोस्ट करत असते. नुकतच तिने तिचे नवीन डेनीम लूकमधले फोटोज तिच्या अकाऊंटवर शेअर केले आहेत. निळ्या डेनीममध्ये अनन्याचा हा डॅशिंग लूक तिच्या चाहत्यांना चांगलाच आवडला आहे. फिल्म प्रमोशन असो किंवा नसो अनन्या सोशल मीडियावर सक्रिय असते. मध्यंतरी तिने केलेलं बिकिनी शूटदेखील खूप व्हायरल झालं होतं. त्याप्रमाणेच जीन्समधला हा तिचा बोल्ड अवतार सध्या चांगलाच व्हायरल होत आहे. अभिनेता चंकी पांडे यांची मुलगी असल्याने नेपोकीड किंवा स्टारकीड म्हणून तिला सोशल मीडियावर प्रचंड ट्रोल केलं जातं. नुकत्याच आलेल्या 'गहराईयां' या चित्रपटात तिच्या अभिनयाची प्रेक्षकांनी आणि समीक्षकांनी प्रशंसा केली. अनन्या आणि विजय यांचा 'लाइगर' २५ तारखेला प्रदर्शित होणार आहे. (फोटो सौजन्य : इन्स्टाग्राम)