Photos: “चांगलं आणि वाईट यापैकी…”; सैफ-हृतिकच्या ‘विक्रम वेधा’ चित्रपटाबद्दल खास गोष्टी

सैफ अली खान आणि हृतिक रोशन पहिल्यांदाच एका चित्रपटात स्क्रीन शेअर करणार आहेत. या चित्रपटाचे नाव विक्रम वेधा आहे.चित्रपटाचा टीझर नुकताच प्रदर्शित झालाय. विक्रम वेधा हा चित्रपट जोडी पुष्कर आणि गायत्री यांच्या २०१७मधील तमिळ ब्लॉकबस्टरचा हिंदी रिमेक आहे. या चित्रपटात सैफ पोलिसाच्या भूमिकेत आहे. तर हृतिक वेधा नावाच्या गँगस्टरच्या भूमिकेत आहे. विक्रम वेधाच्या टीझरला प्रेक्षकांचा चांगला प्रतिसाद मिळतोय. "चांगलं आणि वाईट यातील एक निवडणं सोपं आहे. पण या कथेत दोघंही वाईट आहेत," असे हृतिक वेधाच्या भूमिकेत म्हणतो. मूळ तमिळ चित्रपट विक्रम वेधा नावाने असून त्यात आर माधवनने पोलिसाची भूमिका केली होती तर विजय सेतुपतीने वेधा नावाच्या व्हिलनची भूमिका केली होती. विक्रम वेधा या चित्रपटातून तीन वर्षांनी हृतिक रोशन मोठ्या पडद्यावर परतला आहे. तर, सैफ शेवटचा बंटी और बबली २ मध्ये दिसला होता. विक्रम वेधा हा चित्रपट ३० सप्टेंबर रोजी जगभरात रिलीज होणार आहे. (सर्व फोटो - इंडियन एक्सप्रेसवरून साभार)