Photos : ‘टाळ वाजे, वीणा वाजे…’, गणेशोत्सवानिमित्त ‘अगंबाई सुनबाई’ फेम अभिनेत्रीचं खास फोटोशूट

छोट्या पडद्यावरील लोकप्रिय अभिनेत्री उमा पेंढारकर ‘अगंबाई सुनबाई’ मालिकेतून घराघरात पोहचली. या मालिकेत तिने शुभ्रा ही मुख्य भूमिका साकारली होती. उमा सोशल मीडियावर प्रचंड सक्रिय असल्याचं पाहायला मिळतं. नुकतंच तिने गणेशोत्सवानिमित्त खास फोटोशूट केलं आहे. याचे फोटो तिने इन्स्टाग्राम अकाऊंटवरून शेअर केले आहेत. फोटोमध्ये उमाने निळ्या रंगाची साडी नेसून पारंपारिक दागिन्याने साज करत मराठमोळा लूक केला आहे. साजेसा मेकअप करून केसांत गजरा माळला आहे. फोटोसाठी उमाने विविध पोझही दिल्या आहेत. फोटोमध्ये उमा बाप्पाासाठी तंबोरा वाजवताना दिसत आहे. उमा आणि गणपती बाप्पाचा खास फोटो. तिचे हे फोटो सोशल मीडियावर चर्चेत असून चाहत्यांकडून त्यावर लाइक्स आणि कमेंट्सचा वर्षाव होतो आहे. अभिनेत्रीबरोबरच उमा एक उत्तम नृत्यांगना आणि गायिका आहे. ‘स्वामिनी’ या मालिकेतून तिने छोट्या पडद्यावर पदार्पण केलं होतं. अनेक मालिकांबरोबरच नाटकातही तिने काम केलं आहे. (सर्व फोटो : उमा पेंढारकर/ इन्स्टाग्राम) (हेही पाहा : सिद्धार्थ मल्होत्राचा फोटो पाहताच लाजली पूजा सावंत, म्हणाली “मला लग्न…” )