Photos : ‘बिग बॉस मराठी’फेम वीणा जगतापच्या घरी बाप्पाचं आगमन, पाहा काही खास फोटो

‘राधा प्रेम रंगी रंगली’ तसचं ‘आई माझी काळू बाई’ अशा या मालिकांमधून घराघरात पोहचलेली अभिनेत्री म्हणजे वीणी जगताप. वीणीने ‘बिग बॉस मराठी’ या शोमधूनही प्रेक्षकांची मोठी पसंती मिळवली. वीणा सोशल मीडियावरदेखील चांगलीच सक्रिय असते. वीणाने नुकताच तिच्या घरच्या गणपती बाप्पाच्या आगमनाचे फोटोज तिच्या सोशल मीडिया अकाऊंटवर शेअर केले आहेत. मराठमोळ्या साडीमधला वीणाचा लूक आणि तिचा बाप्पा लोकांना फारच पसंत पडला आहे. प्रत्येक फोटोमध्ये वीणाचा उत्साह आणि गणरायाच्या आगमनामुळे झालेला आनंद सहज झळकतोय. वीणा अत्यंत मनोभावे गजाननाची सेवा करत आहेत. त्या व्हिडिओच्या चित्रीकरणादरम्यानचे काही फोटोजसुद्धा वीणाने शेअर केले आहेत. गणेशोत्सवानिमित्त वीणाने एक गाण्याचा व्हिडिओसुद्धा शूट केला आहे. वीणाचे बाप्पाबरोबरचे फोटोज चांगलेच व्हायरल झाले आहेत आणि तिच्या चाहत्यांना तिचा हा मराठमोळा लूकही प्रचंड आवडला आहे. (फोटो सौजन्य : इन्स्टाग्राम)