बॉक्स ऑफिसवर ‘लायगर’ फ्लॉप अन् अनन्या फिरतेय परदेशात, शेअर केले इटली ट्रीपचे फोटो

बॉलिवूड अभिनेत्री अनन्या पांडे सध्या इटलीमध्ये सुट्ट्या एन्जॉय करत आहे. अनन्या पांडेने इन्स्टाग्रामवर तिच्या इटली व्हेकेशनचे फोटो शेअर केले आहेत. या फोटोंमध्ये ती बिकिनीमध्ये दिसत आहे तर कधी तिथलं फेमस Lemon Sorbet खाताना दिसतेय. अनन्या पांडेचा 'लायगर' चित्रपट अलिकडेच प्रदर्शित झाला होता. विजय देवरकोंडाची मुख्य भूमिका असलेला हा चित्रपट बॉक्स ऑफिसवर जोरदार आपटला. अनन्या पांडेने शेअर केलेल्या फोटोंमध्ये ती फ्लोरल प्रिंटच्या बिकीनीमध्ये दिसत आहे. अनन्याने इन्स्टाग्रामवर वेगवेगळ्या लोकेशन्सचे फोटो शेअर केले आहे. यातील एका फोटोमध्ये ती आइसक्रीम खाताना आणि एन्जॉय करताना दिसत आहे. इटली हे एक सुंदर शहर आहे आणि अनन्याने शेअर केलेल्या या फोटोंमध्ये या शहराचं सौंदर्य खुलून दिसतंय. निळ्याशार समुद्राचा सुंदर देखावा अनन्याच्या या फोटोंमध्ये दिसून येत आहे. अनन्याच्या या सिजलिंग फोटोंची सोशल मीडियावर जोरदार चर्चा होताना दिसत आहे. काळा चश्मा घातलेल्या अनन्या पांडेच्या ग्लॅमरस अदांवर चाहते घायाळ झाले आहेत. सुहाना खान, शनाया कपूर यांसारख्या स्टारकिड्सनी अनन्याच्या फोटोंवर कमेंट केल्या आहेत. 'लायगर' फ्लॉप झाल्यानंतर व्हेकेशन एन्जॉय करत असलेल्या अनन्याला सोशल मीडियावर ट्रोलही केलं जातंय. (फोटो साभार- अनन्या पांडे इन्स्टाग्राम)