‘ब्रह्मास्त्र’ने मोडले ‘हे’ ७ मोठे रेकॉर्ड्स, जाणून घ्या कोणत्या चित्रपटांना टाकले मागे

रणबीर कपूर आणि आलिया भट्टचा ‘ब्रह्मास्त्र’ हा चित्रपट ९ सप्टेंबर रोजी प्रदर्शित झाला. या चित्रपटाने आतापर्यंत बॉक्स ऑफिसवर चांगली कमाई केली आहे. आतापर्यंत या चित्रपटाने ७ मोठे रेकॉर्ड्स मोडले आहेत. ब्रह्मास्त्रने रिलीजच्या पहिल्या वीकेंडमध्ये जबरदस्त कमाई करून 200 कोटी क्लबमध्ये प्रवेश करून सुपरस्टार सलमानच्या सुलतान चित्रपटाचा विक्रम मोडला आहे. अॅडव्हान्स बुकिंगच्या बाबतीत या चित्रपटाने यावर्षी सर्वात जास्त अॅडव्हान्स बुकिंग झालेल्या भुलभुलैय्या २ ला मागे टाकले आहे. रणबीर कपूरच्या सर्वात मोठा ओपनर असलेला 'संजू'चा रेकॉर्ड ब्रह्मास्त्रने मोडला आहे. हा चित्रपट वर्ल्डवाइड ओपनिंग वीकेंडला आंतरराष्ट्रीय बॉक्स ऑफिसवर सर्वाधिक कमाई करणारा नंबर १ चित्रपट ठरला आहे. ब्रह्मास्त्र हा तामिळनाडूमध्ये एकाच दिवसात मोठी कमाई करणारा पहिला बॉलिवूड चित्रपट ठरला आहे. परदेशातूनही या चित्रपटाला उत्तम प्रतिसाद मिळत असून अमेरिका, ऑस्ट्रेलिया देशांमध्ये 'ब्रह्मास्त्र'ची क्रेझ दिसून येत आहे. ब्रह्मास्त्रने पहिल्या दिवसाच्या कलेक्शनमध्ये 'संजू', 'टायगर जिंदा है' आणि 'धूम 3' ला मागे टाकले. ‘ब्रह्मास्त्र’ चित्रपट जगभरात ९००० स्क्रीन्सवर प्रदर्शित झाला आहे.