Photos : माणुसकी! ‘तो’ दाक्षिणात्य अभिनेता घरकाम करणाऱ्या महिलेच्या मुलाच्या लग्नाला आला अन्…

दाक्षिणात्य चित्रपटसृष्टीतील कलाकारांच्या स्टाइलची सोशल मीडियावर अनेकदा चर्चा रंगताना दिसते. सध्या अभिनेता चियान विक्रम सोशल मीडियावर चर्चेत आहे. पण स्टाइलमुळे नाही तर एका लग्नात हजेरी लावल्यामुळे तो चर्चेत आहे. विक्रमने त्याच्या घरी काम करणाऱ्या एका महिलेच्या मुलाच्या लग्नाला हजेरी लावली. पांढऱ्या रंगाचे धोतर आणि शर्ट असा पारंपारिक पोषाख करून त्याने लग्नकार्यात सहभाग घेतला. दाक्षिणात्य चित्रपटसृष्टीतील कलाकार अनेकदा त्यांच्या संस्कृतीचं, पारंपारिकतेचं दर्शन कृतीतून घडवून देत असतात. विक्रमच्या घरी काम करणाऱ्या ओलिमारामन यांचा मृत्यू झाल्यानंतर त्यांची पत्नी मेरी यांनी जवळपास ४० वर्ष अभिनेत्याच्या घरी काम केले. त्यांचा मुलगा दीपक याच्या लग्नाला उपस्थित राहून विक्रमने नवविवाहित जोडप्याला आशीर्वाद देत समाजापुढे आदर्श ठेवला आहे. विक्रमचे लग्नातील फोटो सोशल मीडियावर प्रचंड व्हायरल होत आहेत. घरकाम करणाऱ्या महिलेच्या मुलाच्या लग्नात हजेरी लावल्यामुळे त्याच्यावर कौतुकाचा वर्षाव होत आहे. लवकरच विक्रम ‘पोनियन सेलवन’ या चित्रपटातून प्रेक्षकांच्या भेटीला येणार आहे. या चित्रपटात तू ऐतिहासिक भूमिकेत दिसणार आहे. (सर्व फोटो : Vamsi Kaka/ Twitter,Chiyaan Vikram/ Instagram) (हेही पाहा : मालदीवमध्ये सनी लिओनीचा व्हॅकेशन मूड; बिकिनीतील बोल्ड फोटोंनी चाहत्यांना केलं घायाळ)