Photos : ब्रालेट टॉप आणि साडीत अक्षयाच्या कातिल अदा; फोटो पाहून तुम्हीही म्हणाल ‘सुंदरा मनामध्ये भरली’

‘सुंदरा मनामध्ये भरली’ ही छोट्या पडद्यावरील लोकप्रिय मालिकांपैकी एक आहे. याच मालिकेतून अभिनेत्री अक्षया नाईक घराघरात पोहोचली. या मालिकेत अक्षया ‘लतिका’ ही मूख्य नायिकेची भूमिका साकारत आहे. मालिकेचे कथानक रंजक वळणावर असताना अक्षयाच्या फोटोशूटने सोशल मीडियावर सगळ्यांचं लक्ष वेधून घेतलं आहे. अक्षयाने ब्रालेट टॉप आणि पांढऱ्या रंगाची साडी नेसून बोल्ड फोटोशूट केलं आहे. कानात झुमके, हातात बांगड्या आणि मोकळ्या केसांनी स्टाइल करत खास लूक केला आहे. अक्षयाने केसांत सदाफुली माळली आहे. तिचा हा खास लूक डिझायनर स्टायलिस्ट देविका मांजरेकरने डिजाइन केला आहे. अक्षयाने फोटोसाठी हटके पोझ दिल्या आहेत. बाल्कनीत केलेलं हे फोटोशूट चाहत्यांच्या पसंतीस उतरत आहे. तिच्या या फोटोवर चाहत्यांनी लाइक्स आणि कमेंट्सचा पाऊस पाडला आहे. अक्षयाने मराठीबरोबरच हिंदी मालिकांमध्येही काम केलं आहे. ‘ये रिश्ता क्या कहलाता है’ या मालिकेमुळे तिला लोकप्रियता मिळाली. मालिकेत अक्षयाने साकारलेली भूमिका प्रेक्षकांच्या पसंतीस उतरली होती. अक्षयाचा चाहता वर्ग मोठा आहे. ती सोशल मीडियावर सक्रिय असून अनेकदा ती तिचे फोटो शेअर करत असते. (सर्व फोटो : देविका मांजरेकर,अक्षया नाईक/ इन्स्टाग्राम) (हेही पाहा >> Photos : IAS टीना डाबींचं ‘बॉलिवूड प्रेम’, आवडते कलाकार आणि चित्रपटांविषयी जाणून घ्या)