उर्वशी रौतेलाच्या ६० लाखाच्या ड्रेसची सर्वत्र रंगली चर्चा, ‘असा’ होता तिचा आकर्षक लूक

अभिनेत्री उर्वशी रौतेला ही तिच्या सौंदर्यासोबतच तिच्या हटके स्टाईलसाठी ओळखली जाते. उर्वशी रौतेला रुपेरी पडद्यावर कमी दिसली असली तरी ती नव्या पिढीतील मुलींची नवीन फॅशन आयकॉन बनली आहे. गायक हनी सिंगच्या 'लव्ह डोस' या म्युझिक व्हिडिओमध्ये काम केल्यानंतर उर्वशी लोकप्रिय झाली. तिच्या फॅशन्स सेन्सने सर्वांना भुरळ घालत असते. आता पुन्हा एकदा तिच्या ड्रेसची आणि खास करून त्याच्या किंमतीची सर्वत्र चर्चा रंगली आहे. अलीकडेच, बॉलिवूड अभिनेत्री उर्वशी रौतेला एका पार्टीत सहभागी झाली होती. तिथे तिने घातलेल्या ड्रेसने प्रत्येकाचे लक्ष वेधून घेतले. विदेशी ब्रँड 'एटेलियर जुहरा'चा लाल रंगाचा ड्रेस तिने परिधान केला होता. या लाल रंगाच्या ड्रेसने तिच्या सौंदर्यात भर घातली होती. यावेळी तिने ब्रेसलेटसह हिऱ्याचे कानातले घातले होते तर केसांचा स्लीक पोनीटेल बांधला होता. या पार्टीत तिने घातलेल्या ड्रेसची किंमत ६० लाख रुपये होती. या ब्रँडच्या अधिकृत वेबसाइटवर उर्वशीने घातलेल्या ड्रेसची किंमत दिसत आहे. उर्वशीच्या ड्रेसची किंमत ऐकून सर्वांच्याच भुवया उंचावल्या आहेत. आता या तिच्या ड्रेसच्या किंमतीने पुन्हा एकदा तिचे नाव सर्वांच्या संभाषणात येत आहे.