ऐश्वर्या राय ते चियान विक्रम, ‘पोन्नियिन सेल्वन’च्या कलाकारांच्या मानधनाचे आकडे थक्क करणारे!

मणिरत्नम यांचा बिग बजेट चित्रपट पोन्नियिन सेल्वन येत्या ३० सप्टेंबरला प्रदर्शित होतोय. त्याआधी सोशल मीडियावर चित्रपटाच्या बजेटसह कलाकारांच्या मानधनाची जोरदार चर्चा रंगली आहे. बॉलिवूड अभिनेत्री ऐश्वर्या राय बच्चन 'पोन्नियिन सेल्वन'मधील मोठ्या ब्रेकनंतर पुनरागमन करत आहे. मिळालेल्या माहितीनुसार ऐश्वर्या राय बच्चनने या चित्रपटासाठी तब्बल १० कोटी रुपये मानधन घेतलं आहे. दाक्षिणात्य चित्रपटसृष्टीची प्रसिद्ध अभिनेत्री शोभिता धूलिपाला या चित्रपटात महत्त्वपूर्ण भूमिका साकारतेय. शोभिताने या चित्रपटासाठी १ कोटी रुपये एवढं मानधन घेतल्याचं बोललं जातंय. अभिनेत्री ऐश्वर्या लक्ष्मी 'पोन्नियिन सेल्वन'मध्ये पुंगुझली ही भूमिका साकारत आहे. मिळालेल्या माहितीनुसार तिने या भूमिकेसाठी १.५ कोटी रुपये एवढं मानधन घेतलं आहे. उत्कृष्ट अभिनयासाठी ओळखला जाणार दाक्षिणात्य अभिनेता जयम रवी या चित्रपटात अरुलमोझी वर्मनच्या भूमिकेत आहे. 'पोन्नियिन सेल्वन'साठी जयम रवीने तब्बल ८ कोटी रुपये एवढं मानधन घेतल्याचं बोललं जात आहे. अभिनेत्री त्रिशा कृष्णन या चित्रपटात राजकुमारी कुंदवईच्या भूमिकेत दिसणार आहे. या भूमिकेसाठी त्रिशाने जवळपास २.५ कोटी रुपये मानधन घेतल्याचं बोललं जात आहे. प्रसिद्ध दाक्षिणात्य अभिनेता चियान विक्रम या चित्रपटात करिकालनची भूमिका साकारताना दिसणार आहे. या भूमिकेसाठी त्याने तब्बल १२ कोटी रुपये एवढी मोठी रक्कम मानधन म्हणून घेतल्याची चर्चा आहे. 'पोन्नियिन सेल्वन'मध्ये अभिनेता कार्थी 'वल्वर रेयान विंदियादेवन' ही खास भूमिका साकारताना दिसणार आहे. या भूमिकेसाठी त्याला ५ कोटी रुपये एवढं मानधन मिळाल्याचं बोललं जात आहे. (फोटो साभार- सोशल मीडिया)