Photos : ‘महाराष्ट्राची हास्यजत्रा’ फेम शिवालीचा ग्लॅमरस लूक पाहून चाहते अवाक, कमेंट करत म्हणाले “बॉलिवूडमध्ये एन्ट्री…”

सोनी वाहिनीवरील ‘महाराष्ट्राची हास्यजत्रा’ हा कार्यक्रम लोकप्रिय आहे. छोट्या पडद्यावरील या कार्यक्रमाचे लाखो चाहते आहेत. कल्याणच्या शिवाली परबलाही याच कार्यक्रमातून प्रसिद्धी मिळाली. विनोदाचं अचूक टायमिंग साधत शिवाली प्रेक्षकांना खळखळून हसवते. ‘महाराष्ट्राची हास्यजत्रा’ कार्यक्रमातून शिवाली घराघरात पोहोचली. शिवालीचा चाहता वर्ग मोठा असून ती सोशल मीडियावरून चाहत्यांच्या संपर्कात राहण्याचा प्रयत्न करते. नुकतंच शिवालीने फोटोशूट केलं आहे. याचे फोटो तिने इन्स्टाग्राम अकाऊंटवरुन शेअर केले आहेत. फोटोमध्ये निळ्या रंगाचा शिमरी ड्रेस शिवालीने परिधान केला आहे. साजेसा मेकअप आणि मोठ्या कानातल्यांनी शिवालीने ग्लॅमरस लूक केला आहे. फोटोसाठी तिने हटके पोझही दिल्या आहेत. शिवालीचं हे ग्लॅमरस फोटोशूट प्रेक्षकांच्या पसंतीस उतरत आहे. तिच्या या फोटोंवर चाहत्यांनी लाइक्स आणि कमेंट्सचा वर्षाव केला आहे. एका चाहत्याने “शिवाली हे खरं आहे का?”, अशी मजेशीर कमेटं केलं आहे. तर दुसऱ्याने ‘स्वप्न सुंदरी’ अशी कमेंट केली आहे. परंतु शिवालीच्या फोटोवरील एका चाहत्याने केलेली कमेंट लक्षवेधी ठरत आहे. “बॉलिवूडमध्ये एन्ट्री दिसतेय”, अशी कमेटं चाहत्याने केली आहे. शिवालीने मराठी चित्रपटातही काम केलं आहे. ‘व्हॉट्स अप लव्ह’, ‘प्रेम प्रथा दुश्मन’ या चित्रपटात ती दिसली होती. अनेकदा शिवाली तिचे फोटो सोशल मीडिया अकाऊंटवरून शेअर करत असते. (सर्व फोटो : शिवाली परब/ इन्स्टाग्राम) (हेही पाहा >> Photos : प्राजक्ता माळीला लंडनमध्ये करमेना, फोटो शेअर करत म्हणाली, “परदेशातील लोक विशेष माठ आहेत आणि…”)