Photos: ‘असा’ पार पडला आलिया भट्टच्या डोहाळे जेवणाचा कार्यक्रम, बघा अनसिन फोटो

बॉलिवूड अभिनेत्री आलिया भट्ट लवकरच आई होणार आहे. गरोदर असल्याची बातमी दिल्यापासून ती कायमच चर्चेत आहे. नुकताच आलिया भट्टच्या डोहाळे जेवणाचा कार्यक्रम पार पडला. अगदी पारंपरिक पद्धतीने हा कार्यक्रम साजरा करण्यात आला. गेले अनेक दिवस कपूर आणि भट्ट कुटुंब मिळून आलियाच्या दोहळेजवणाच्या कार्यक्रमाची जय्यत तयारी करत होते. आलियाच्या या डोहाळे जेवणासाठी कपूर कुटुंब आणि भट्ट कुटुंब एकत्र आले होते. यात करिश्मा कपूर, रिद्धीमा कपूर, नीतू कपूर, शाहीन भट्ट, आकांक्षा रंजन असे अनेकजण दिसत आहेत. यावेळी आलियाच्या सगळ्या मैत्रिणी आवर्जून आल्या होत्या. आलियाने डोहाळे जेवणादरम्यान पिवळ्या रंगाचा अनारकली ड्रेस परिधान केला होता. यात आलिया फारच सुंदर दिसत होती. आलियाने तिच्या डोहाळे जेवणाचे काही फोटो सोशल मीडियावर पोस्ट केले आहेत. आता कपूर आणि भट्ट कुटुंबीयं रणबीर आणि आलियाच्या बाळाच्या आगमनासाठी आतुर असल्याचे या फोटोंमधून दिसत आहे.