Photos : अक्षय कुमारने घडवली ‘राम सेतु’ची सफर, पाहा फोटो

२०२२ मध्ये आत्तापर्यंत अक्षय कुमारचे ४ चित्रपट प्रदर्शित झाले आहेत. येत्या काही दिवसांमध्ये त्याचा 'राम सेतु' हा या वर्षातला पाचवा चित्रपट प्रदर्शित होणार आहे. अक्षय कुमार सध्या सोशल मीडिया फार सक्रिय झाला आहे. तो 'राम सेतु' या त्याच्या आगामी चित्रपटाबद्दलचे अपडेट्स या माध्यमाद्वारे देत असतो. शुक्रवारी त्याने या चित्रपटाचे नवे पोस्टर शेअर केले. या चित्रपटामध्ये अक्षयसह नुसरत भरुचा आणि जॅकलिन फर्नांडिस यांनी काम केले आहे. 'राम सेतु'चा ट्रेलर ११ ऑक्टोबर रोजी प्रदर्शित होणार असून हा चित्रपट २५ ऑक्टोबर रोजी प्रेक्षकांच्या भेटीला येणार आहे. या चित्रपटाद्वारे सुप्रसिद्द तेलुगू अभिनेता सत्यदेव बॉलिवूडमध्ये पदार्पण करणार आहे. खास सत्यदेवसाठी त्याने हा फोटो पोस्ट केला. या बहुचर्चित चित्रपटासाठी अक्षय फार उत्सुक आहे. या फोटोखाली त्याने "'राम सेतू'मध्ये अनेक रोमांचक आणि थरारक सीन्स आहेत. खूप दिवसांनी इतकी मजा आली" असे कॅप्शन दिले आहे. त्याने 'मकर' या एक्सोसूटसह फोटो काढून इन्स्टाग्रामवर पोस्ट केला आहे. कॅप्शनमध्ये त्याने 'खोल समुद्रात संशोधन करताना हा एक्सोसूट फार महत्त्वाचा असतो' असे म्हटले आहे. चित्रपटाचे शूटींग संपल्यानंतर त्याने हा फोटो शेअर केला होता.