Photos : अंकिताच्या पहिल्या करवा चौथचं जंगी सेलीब्रेशन; डिजे-डान्स, मराठी सेलिब्रिटींची हजेरी अन् पती विकीसाठी गायलं खास गाणं

‘पवित्र रिश्ता’ मालिकेतून घराघरात पोहोचलेली मराठमोळी अभिनेत्री अंकिता लोखंडेने अल्पावधीतच प्रेक्षकांच्या मनात स्थान निर्माण केलं. अंकिता पती विकी जैनसह २०२१च्या डिसेंबरमध्ये विवाहबंधनात अडकली. लग्नानंतर अंकिताने पहिलीच करवा चौथ साजरी केली. मित्रपरिवार आणि कुटुंबियांच्या उपस्थितीत अंकिता-विकीच्या पहिल्याच करवा चौथचं जंगी सेलीब्रेशन करण्यात आलं. फुलांनी सजावट करत त्यावर ‘अनवी की कहाणी’ असं लिहिण्यात आलं होतं. अंकिता खास लाल रंगाच्या लेहेंग्यात नटली होती. तर विकीने राखाडी रंगाच्या ड्रेसमध्ये पेहराव केला होता. अंकिताच्या करवा चौथ सेलिब्रेशनसाठी अभिनेत्री अभिज्ञा भावेही उपस्थित होती. अंकिता-विकीच्या पहिल्या करवा चौथचा खास फोटो. करवा चौथ निमित्ताने अंकिताने पती विकी जैनसाठी खास गाणंही गायलं. ‘आओ हुजुर तुमको सितारों मे’ हे गाऊन अंकिताने करवा चौथचा सण स्पेशल केला. अंकिताने करवा चौथसाठी स्पेशल डान्सही केला. तर विकी-अंकिताच्या डान्सने या सोहळ्याला चार चांद लावले. अंकिता-विकीच्या करवा चौथ सोहळ्यामध्ये डिजेच्या तालावर ठुमकेही लावण्यात आले. करवा चौथच्या स्पेशल सेलिब्रेशनचे फोटो अंकिताने तिच्या इन्स्टाग्राम स्टोरीवरुन शेअर केले आहेत. (सर्व फोटो : अंकिता लोखंडे/ इन्स्टाग्राम) (हेही पाहा >> Photos : भाग्यश्री मोटेच्या साखरपुडा सोहळ्यात हृतिक रोशनला पाहून चाहत्यांना पडला प्रश्न, जाणून घ्या कारण)