अब्दू रोजिक ते टीना दत्ता, साजिद खान; बिग बॉस १६ मध्ये कोण घेतंय सर्वाधिक मानधन?

सलमान खान होस्ट करत असलेला शो 'बिग बॉस १६' सध्या बराच गाजतोय. एकीकडे घरातील वाद आणि भांडण, तर दुसरीकडे सदस्यांमधील मैत्री- प्रेम चर्चेत आहे. पण बिग बॉसच्या घरातील हे सदस्य नेमकं किती मानधन घेतात याची माहिती समोर आली आहे. बिग बॉस १६ मध्ये अब्द रोजिक सर्वाधिक चर्चेत राहिलेला सदस्य आहे. काही मीडिया रिपोर्ट्सनी दिलेल्या माहितीनुसार अब्दू एका आठवड्यासाठी ३ ते ४ लाख रुपये एवढं मानधन घेतोय. टीव्ही अभिनेत्री टीना दत्ता बिग बॉसच्या घरातील एक चांगली खेळाडू मानली जातेय. एका आठवड्यासाठी टीना दत्ता ८-९ लाख रुपये एवढं मानधन घेते. 'मी टू' चळवळीमुळे चर्चेत आलेला साजिद खान यंदा बिग बॉस १६ मध्ये सहभागी झाला आहे. रिपोर्ट्सनुसार साजिद खान एका आठवड्यासाठी ३ ते ४ लाख रुपये एवढं मानधन घेत आहे. गौतम विगबरोबरच्या लव्ह अँगलमुळे चर्चेत असणारी सौंदर्या शर्माही तगडं रक्कम मानधन म्हणून घेतेय. सौंदर्या शर्मा एका आठवड्यासाठी ३ ते ४ लाख एवढी रक्कम आकारत आहे. 'बिग बॉस १६'मधील सर्वाधिक वादग्रस्त सदस्य शालीन भानोत हा आहे. 'इकॉनॉमिक टाइम्स'ने दिलेल्या माहितीनुसार शालीन भानोत एका एपिसोडसाठी ४ ते ५ लाख रुपये एवढं मानधन घेतोय. यंदाच्या सीझनसाठी सर्वाधिक मानधन घेणारी अभिनेत्री सुंबुल तौकीर खान आहे. बिग बॉसच्या घरात पहिल्या दिवसापासून चर्चेत असलेली सुंबुल १२ लाख एवढं मानधन घेतेय. (फोटो साभार- इन्स्टाग्राम)