शाहरुख, दीपिकानंतर मोरोक्कोमधील प्रतिष्ठित पुरस्काराने रणवीर सिंगचा सन्मान; फोटो व्हायरल

कधी रोमँटिक हिरो तर कधी मुलींना गंडा घालणारा तर कधी खलनायक, अशा भूमिका करणारा अभिनेता रणवीर सिंग. आपल्या अभिनयाने त्याने प्रेक्षकांची मन जिंकली आहेत. रणवीरच्या चाहत्यांसाठी आनंदाची बातमी म्हणजे नुकतंच त्याला मारकेश इंटरनॅशनल फिल्म फेस्टिवलमध्ये इतोल आयडॉल या पुरस्काराने सन्मानित करण्यात आलं आहे. इतकंच नाही तर या सोहळ्यात त्याला अभिनयाचा मास्टरक्लासचं सूत्रसंचालन करण्याची संधीदेखील मिळाली. रणवीरने नुकतंच या सोहोळयातील काही फोटो त्याच्या सोशल मीडिया अकाऊंटवर शेअर केले आहेत. नेहमीप्रमाणेच रणवीरने त्याच्या हटके अवतारात या कार्यक्रमात हजेरी लावली. त्याच्या ड्रेसची आणि एकूणच त्याच्या या स्टाईलची सोशल मीडियावर चांगलीच चर्चा होत आहे. हा पुरस्कार मिळाल्याने रणवीर अत्यंत खुश आहे आणि या सोशल मीडिया पोस्टमध्ये त्याने त्याचा आनंद व्यक्त केला आहे. माराकेश इंटरनॅशनल फिल्म फेस्टिव्हल हा जगभरातील जगातील सर्वोत्कृष्ट चित्रपट महोत्सवांपैकी एक आहे. या चित्रपट महोत्सवात रणवीर सिंगच्या कारकिर्दीतील ‘बाजीराव मस्तानी’, ‘गली बॉय’ आणि ‘पद्मावत’ हे तीन उत्कृष्ट चित्रपटही दाखवले जाणार आहेत. रणवीरने या कार्यक्रमात प्रचंड धमाल केली आणि तिथल्या प्रेक्षकांचंही खूप मनोरंजन केलं हे या फोटोवरुन दिसत आहे. तिथल्या 'वॉल ऑफ फेम'वर आपली पत्नी दीपिका पदूकोणचा फोटो पाहून रणवीरला तिचा अभिमान वाटला आणि त्याने टो फोटो शेअरदेखील केला आहे. शिवाय दीपिकाबरोबर तिथेच शाहरुख खानचा फोटो पाहून रणवीर आणखी आनंदी झाला. कित्येक दिग्गज आंतरराष्ट्रीय कलाकारांची रणवीरने भेट घेतली. रणवीरचे हे फोटोज चांगलेच व्हायरल होत आहेत. रणवीर हा लवकरच रोहित शेट्टीच्या ‘सर्कस’ आणि करण जोहरच्या ‘रॉकी और रानी की प्रेम कहानी’मध्ये दिसणार आहे. (फोटो सौजन्य : इन्स्टाग्राम / रणवीर सिंग)