आता शुबमन गिलला डेट करत असल्याच्या चर्चा, त्याआधी ‘यांच्याशी’ जोडलं गेलंय सारा अली खानचं नाव

बॉलिवूड आणि क्रिकेटच्या कनेक्शनबद्दल जेव्हाही बोललं जातं तेव्हा चर्चा तर होतातच. आताही अभिनेत्री सारा अली खान आणि क्रिकेटर शुबमन गिल ही जोडी सोशल मीडियावर चर्चेत आहे. काही दिवसांपूर्वीच दोघंही फ्लाइटमध्ये एकत्र दिसले होते. त्यानंतर दोघांच्या डेटिंगच्या चर्चांना उधाण आलं होतं. नुकतंच एका चॅट शोमध्ये शुबमन गिलने या डेटिंगच्या चर्चांवर मनमोकळेपणाने भाष्य केलं. सारा अली खान आणि शुबमन गिल यांच्या डेटिंगच्या चर्चां पुन्हा होत आहेत कारण एका मुलाखतीत शुबमनने साराचं नाव घेतलं. प्रीती आणि निती सिमोस यांचा चॅट शो 'दिल दियां गल्ला'मध्ये शुबमनला, 'बॉलिवूडची सर्वात फिट अभिनेत्री कोण?' असा प्रश्न विचारण्यात आला होता. या प्रश्नाचं उत्तर देताना शुबमनने अभिनेत्री सारा अली खानचं नाव घेतलं. यानंतर शुबमनला 'तू साराला डेट करत आहेस का?' असा प्रश्न विचारण्यात आला. ज्यावर त्याने 'हो कदाचित' असं उत्तर दिलं होतं. पण जेव्हा शुबमनला पुन्हा एकदा खरं खरं सांगण्यासाठी विचारणात आलं तेव्हा तो म्हणला, "मी खरंच तर बोललो, कदाचित हो किंवा कदाचित नाही." अर्थात सारा अली खानचं नाव कोणाशी जोडलं जाण्याची ही पहिलीच वेळ नाही. याआधीही अनेकदा सारा अली खान डेटिंग आणि अफेअरच्या चर्चांमुळे सोशल मीडियावर चर्चेत राहिली आहे. साराने २०१८ साली 'केदारनाथ' चित्रपटातून बॉलिवूड पदार्पण केलं होतं. त्यावेळी ती तिच्या खासगी आयुष्यामुळे चर्चेत आली होती. त्यावेळी साराचं नाव अभिनेता सुशांत सिंह राजपूतशी जोडलं गेलं होतं. पण साराचं नाव सर्वात आधी अभिनेता इशान खट्टरशी जोडलं गेलं होतं. एका मुलाखतीत तिने बॉलिवूडमध्ये दोन अभिनेते असलेल्या भावांपैकी एकाला डेट करत असल्याचं म्हटलं होतं. सारा अली खानने सोनम कपूरचा भाऊ हर्षवर्धन कपूरलाही डेट केलं आहे. या दोघांच्या डेटचे फोटो सोशल मीडियावर व्हायरल झाले होते. सारा अली खान राजकीय नेते सुशील कुमार शिंदे यांचा नातू वीर पहारियाबरोबरही रिलेशनशिपमध्ये होती. साराने वीरबरोबरचे फोटोही सोशल मीडियावर शेअर केले होते. पण नंतर तिने ते डिलीट केले. याशिवाय कार्तिक आर्यनबरोबर तिच्या डेटिंगची बरीच चर्चा झाली होती. साराने करण जोहरच्या शोमध्येच कार्तिक आर्यन आवडत असल्याची कबुली दिली होती. सारा आणि कार्तिक यांनी 'लव्ह आज कल'मध्ये एकत्र काम केलं होतं. या चित्रपटाच्या शूटिंग आणि प्रमोशनच्या वेळी दोघांचेही बरेच फोटो व्हायरल झाले होते. पण चित्रपट प्रदर्शित झाल्यानंतर दोघांचंही ब्रेकअप झाल्याचं समोर आलं. (फोटो साभार- सारा, शुबमन इन्स्टाग्राम, सोशल मीडिया) (आणखी पाहा- Photos: “बॉलिवूडमधील सगळ्यात Fit अभिनेत्री कोण?”, सारा खानचं नाव घेत शुबमन गिलच झाला क्लीन बोल्ड!)