Photos : चार दिवसावर लग्न अन् अभिनेता रुग्णालयात घेतोय उपचार; जाणून घ्या कोण आहे नागा शौर्या?

दाक्षिणात्य कलाकार कायमच चर्चेत असतात. अल्लू अर्जुन, यश, कांतारा फेम रिषभ शेट्टी या अभिनेत्यांचा चाहता वर्ग मोठा आहे. कालपासून आणखीन एका दाक्षिणात्य अभिनेत्याचे नाव चर्चेत आलं आहे ते म्हणजे अभिनेता नागा शौर्या. चित्रपटाच्या चित्रीकरणादरम्यान तो बेशुद्ध होऊन खाली पडला त्याला तातडीने रुग्णालयात दाखल करण्यात आले. आदल्या दिवशीच्या डिहायड्रेशनमुळे तो बेशुद्ध झाला होता पण आता तो ठीक आहे, असे माध्यमांना कळवण्यात आले. नागा शौर्या तेलगू चित्रपटसृष्टीतील तरुण अभिनेता आहे. २०११ पासून तो तेलगू चित्रपटसृष्टीतीत कार्यरत आहे. चित्रपटाच्याआधी त्याने जाहिरातींमध्ये काम केले आहे. चित्रपटसृष्टीत स्वतःचे स्थान निर्माण करण्यासाठी त्याला ५ वर्ष संघर्ष करावा लागला होता. नागा २० नोव्हेंबर रोजी विवाहबंधनात अडकणार आहे. त्याची प्रेयसी अनुषा शेट्टी, जी बंगळूरुस्थित इंटिरिअर डिझायनर आहे. शौर्याने ओहालु गुसागुसलादे (२०१४), डिक्कुलु चुडाकू रामय्या (२०१४), कल्याणा वैभोगमे (२०१६), ज्यो अच्युतानंद (२०१६), चलो (२०१८) यांसारख्या हिट चित्रपटात काम केले आहे. नागा नुकताच 'कृष्ण वृंदा विहारी' या चित्रपटात दिसला होता. फोटो सौजन्य : इन्स्टाग्राम