Akshya-Hardik Wedding: हातमागावर विणलेली पैठणी, नथ अन् चाफ्याची फुलं; पारंपरिक वेशातील पाठकबाईंच्या मंगळसुत्राने वेधलं लक्ष

मराठी कलाविश्वातील लोकप्रिय जोडी हार्दिक जोशी-अक्षया देवधर आज(२ डिसेंबर) विवाहबंधनात अडकले. कुटुंबीय, मित्रपरिवार व नातेवाईंकांच्या उपस्थितीत सप्तपदी घेत राणादा-पाठकबाईंनी लग्नगाठ बांधली. हार्दिक व अक्षयाचा शाही विवाहसोहळा पुणे येथे पार पडला. त्यांच्या लग्नातील फोटो सोशल मीडियावर व्हायरल होत आहेत. अक्षयाने लग्नासाठी खास हातामागावर पैठणी विणून घेतली होती. लाल रंगाच्या नऊवारी पैठणी साडीत अक्षयाचं सौंदर्य खुलून आलं होतं. साडीवर नथ व दागिने परिधान करत अक्षयाने लग्नासाठी पारंपरिक लूक केला होता. तर हार्दिक जोशी धोतरमध्ये राजबिंडा दिसत होता. त्यांच्या लग्नाला मराठी मनोरंजन विश्वातील अनेक सेलिब्रिटींनी हजेरी लावली. अक्षया-हार्दिक या नव्या जोडप्याला चाहत्यांनी सोशल मीडियावर शुभेच्छा दिल्या आहेत. अक्षया-हार्दिकच्या शाही विवाहसोहळ्यात मात्र पाठकबाईंच्या मंगळसूत्राची चर्चा रंगली आहे. अक्षयाच्या मंगळसूत्राने सगळ्यांचंच लक्ष वेधून घेतलं आहे. काळे मणी व पेंन्डंट असलेल्या अक्षयाच्या मंगळसूत्राचे फोटो व्हायरल होत आहेत. अक्षया-हार्दिकच्या शाही विवाहसोहळ्यातील खास क्षण. (सर्व फोटो: इन्स्टाग्राम ) (हेही पाहा>> Photos: ‘#अहा लगीन’ राणादाच्या हातावर रंगली पाठकबाईंच्या नावाची मेहंदी; अक्षया देवधर व हार्दिक जोशीच्या मेहंदी सोहळ्यातील खास फोटो)