Photos: ‘ब्लॅक इज ब्युटिफूल’ अन् काळ्या रंगाची थीम; दीपा-कार्तिकच्या संगीत सोहळ्यातील लूकने वेधलं लक्ष

‘रंग माझा वेगळा’ मालिका सध्या रंजक वळणावर आहे. मालिकेत दीपा आणि कार्तिक पुन्हा एकदा सर्वांच्या साक्षीने विवाहबंधनात अडकणार आहेत. गैरसमज दूर झाल्यानंतर आता खऱ्या अर्थाने दोघांच्या नव्या आयुष्याची सुरुवात होत आहे. मेहेंदी आणि हळदी समारंभ थाटात पार पडल्यानंतर आता दीपा-कार्तिकच्या संगीत सोहळ्याची उत्सुकता प्रेक्षकांना आहे. दीपा-कार्तिकच्या संगीत सोहळ्यात इनामदार कुटुंबाच्या खास परफॉर्मन्स सोबतच ‘स्टार प्रवाह परिवारा’तील सदस्यही उपस्थित असणार आहेत. ‘ठिपक्यांची रांगोळी’ मालिकेतील अप्पू-शशांक आणि ‘लग्नाची बेडी’ मालिकेतील सिंधू-राघवच्या खास परफॉर्मन्सने संगीत सोहळ्याला चार चांद लागणार आहेत. तर ‘तुझेच मी गीत गात आहे’ मालिकेतील मल्हार आणि स्वराजचं खास गाणंही सादर केलं जाणार आहे. दीपिका व कार्तिकीचा खास डान्स. दीपा-कार्तिकच्या संगीत सोहळ्यासाठी काळ्या रंगाला विशेष पसंती देण्यात येणार आहे. ‘ब्लॅक इज ब्युटिफूल’ म्हणत खुद्द सौंदर्या इनामदारनेच दीपा-कार्तिकचा वेडिंग लूक डिझाईन केला आहे. दीपा-कार्तिकच्या संगीत सोहळ्यातील खास क्षण. त्यामुळे त्यांचा संगीत सोहळ्यातील लूक लक्षवेधी असणार आहे. (सर्व फोटो: स्टार प्रवाह) (हेही पाहा>>Photos: रितेश देशमुखच्या ‘वेड’ चित्रपटाचं चाहत्यांना ‘याड लागलं’; नागराज मंजुळेंच्या ‘सैराट’चाही रेकॉर्ड मोडला)