कर न भरल्याची नोटीस मिळालेल्या ऐश्वर्या राय-बच्चनची संपत्ती किती माहीत आहे का? आकडा वाचून व्हाल थक्क

आपल्या मनमोहक सौंदर्याने आणि बहारदार अभिनयाने प्रेक्षकांना भुरळ घालणारी अभिनेत्री ऐश्वर्या राय-बच्चन ही नेहमीच कोणत्या ना कोणत्या कारणाने चर्चेत असते. आता ती चर्चेत आली आहे सिन्नर तहसीलदार कार्यालयाने थकबाकीसंदर्भात नोटीस पाठवल्यामुळे. पण ऐश्वर्याची संपत्ती किती आहे हे तुम्हाला ठाऊक आहे का ? ती एका चित्रपटासाठी १०-१२ कोटी मानधन आकारते. ती लोरियल, लक्स, नक्षत्र डायमंड ज्वेलरी, टायटन, लोधा ग्रुप, कल्याण ज्वेलर्स यांसारख्या मोठ्या ब्रँडची अॅम्बेसिडरही आहे. मीडिया रिपोर्ट्सनुसार, ऐश्वर्या फक्त ब्रँडच्या जाहिरातींमधून वर्षाला ८०-९० कोटी कमावते. ती एक बिझनेसवुमन देखील आहे. तिने अनेक स्टार्टअप्समध्ये करोडो रुपयांची गुंतवणूक केली आहेत. तसेच तिचे मुंबईतील वांद्रे कुर्ला कॉम्प्लेक्समध्ये २१ कोटींचे अपार्टमेंट आहे. त्याचबरोबर अभिषेक आणि ऐश्वर्याने यांनी दुबईच्या जुमेराह गोल्फ इस्टेटमधील सॅंक्च्युरी फॉल्समध्ये पॅलेससारखा व्हिलाही खरेदी केला आहे. त्याचबरोबर ऐश्वर्या तिच्या कुटुंबासोबत 'जलसा'मध्ये राहते त्या बंगल्याची किंमत आजच्या घडीला ११२ कोटी आहे. भारतात आणि परदेशात मिळून तिची ७७५ कोटींची संपत्ती आहे. तिने ही संपत्ती फक्त चित्रपटांत कामं करूनच नाही तर प्रॉपर्टी आणि इतर अनेक गुंतवणुकीतून कमावली आहे.