Birthday Special: गौरव मोरेला केसांमुळे मिळालेली गुगलची जाहिरात; स्वत:च सांगितलेला किस्सा

‘महाराष्ट्राची हास्यजत्रा’ मालिकेतून घराघरात पोहोचलेला अभिनेता गौरव मोरेचा आज वाढदिवस आहे. अफलातून अभिनय शैलीने गौरव प्रेक्षकांना पोट धरुन हसवतो. विनोदाचं अचूक टायमिंग साधत प्रेक्षकांचे मनोरंजन करणाऱ्या गौरवचं फॅन फॉलोविंगही प्रचंड आहे. फिल्टरपाड्याचा बच्चन अशी ओळख असलेल्या गौरवने हास्यजत्रेसाठी अनेक ऑडिशन दिल्या होत्या. गौरवच्या अभिनयाप्रमाणेच त्याच्या झुपकेदार केसांची प्रेक्षकांना भूरळ पडते. एका मुलाखतीत गौरवने त्याच्या झुपकेदार केसांबाबत भाष्य केलं होतं. “तू असे केस का वाढवले आहेस?”, असा प्रश्न त्याला ‘एबीपी माझा’ला दिलेल्या मुलाखतीत विचारण्यात आला होता. यावर उत्तर देत गौरवने, “एक वेळ अशी होती, जेव्हा मला काम मिळत नव्हतं. म्हणून म्हटलं केस वाढवून बघुया” असं म्हटलं होतं. याच झुपकेदार केसांमुळे गौरवला गुगलच्या जाहिरातीची ऑफर मिळाली होती. तो किस्साही त्याने मुलाखतीत शेअर केला होता. “माझ्या झुपकेदार केसांमुळेच मला गुगलची अॅड मिळाली. तुमचा लूक खूप छान आहे, असं ते म्हणाले. त्यानंतर मला पुढे लूकमुळेच काम मिळत गेलं”, असंही गौरवने सांगितलं. गौरवने मराठी चित्रपटांतही काम केलं आहे. ‘हवाहवाई’ चित्रपटात त्याने सिद्धार्थ जाधवसह स्क्रीन शेअर केली होती. (सर्व फोटो: गौरव मोरे/ इन्स्टाग्राम) (हेही वाचा>> Photos: अभिनेत्रीचा ‘तो’ एक व्हिडीओ आणि राखी सावंतला अटक, नेमकं प्रकरण काय?)