अनंत अंबानी आणि राधिका मर्चंटच्या साखरपुडा सोहळ्यात दीपिका पदुकोणचा शाही थाट, साडीची किंमत माहीत आहे का?

बॉलिवूडमधील कायम चर्चेत असलेलं कपल म्हणून रणवीर सिंह आणि दीपिका पदुकोणला ओळखलं जातं. त्या दोघांच्या केमिस्ट्रीचे लाखो चाहते आहेत. उद्योगपती मुकेश अंबानी आणि नीता अंबानी यांचा धाकटा मुलगा अनंत अंबानी आणि राधिका मर्चंटचा साखरपुडा नुकताच पार पडला. अनंत अंबानी आणि राधिका मर्चंटच्या साखरपुडा सोहळ्याला बॉलिवूडमधील अनेक दिग्गज व्यक्तींनी हजेरी लावली. रणवीर-दीपिकाने अंबानींच्या धाकट्या लेकाच्या साखरपुडा सोहळ्याला हजेरी लावली. त्या दोघांचे अनेक फोटो आणि व्हिडीओही समोर आले आहेत. यावेळी ते दोघेही अगदी हातात हात घालून, राजेशाही थाटात अंनत-राधिकाच्या साखरपुड्यासाठी पोहोचले. यावेळी दीपिकाने गडद लाल रंगाची डिझायनर साडी परिधान केली होती. त्याबरोबर तिने गळ्यात छान चोकर आणि नेकलेसही परिधान केला होता. या लूकला मॅच करण्यासाठी दीपिकाने सुंदर मेकअपही केला होता. तर रणवीरने गडद निळ्या रंगाचा कुर्ता, जॅकेट असा लूक केला होता. यावेळी रणवीर हा दीपिकाच्या लूकची काळजी करताना दिसला. दीपिकाने परिधान केलेल्या साडीमुळे तिला चालताना अडचणी येत होत्या. यावेळी रणवीर तिची साडी योग्य आहे की नाही याची खात्री करुन हसत हसत फोटोसाठी पोज दिली. त्या दोघांमधील केमिस्ट्री पाहून चाहतेही भारावले. दीपिकाने परिधान केलेल्या या साडीवर सर्वांच्याच नजरा खिळल्या. तिने परिधान केलेल्या साडीचा ब्लाऊज छान डिझाईन केलेला होता. दीपिकाने या सोहळ्यासाठी परिधान केलेली साडी तोराणी या ब्रँडची आहे. या साडीचे नाव सिंदूरी ताशी साडी असे आहे. या साडीची किंमत तब्बल १ लाख ४९ हजार ५०० रुपये इतकी आहे. दरम्यान दीपिका ही 'पठाण' चित्रपटात झळकणार आहे. येत्या 25 जानेवारीला हा चित्रपट प्रदर्शित होणार आहे.