‘त्या’ रोमँटिक फोटोमुळे निखिल बने व स्नेहल शिदमला झाला ‘हा’ मोठा फायदा; अभिनेत्री म्हणाली…

'महाराष्ट्राची हास्यजत्रा' फेम अभिनेत्री वनिता खरात २ फेब्रुवारी रोजी सुमीत लोंढेबरोबर विवाहबंधनात अडकली. तिच्या लग्नात हास्यजत्रेतील कलाकारांनी हजेरी लावली होती. या लग्नातील त्यांचे फोटो खूप व्हायरल झाले होते. याच लग्नातला एक फोटो चला हवा येऊ द्या फेम स्नेहल शिदमने शेअर केला होता. या फोटोत तिच्याबरोबर निखिल बने होता. “पिरतीच्या फडात गं, धरला हात असा, काळीज येंधलं आरल….” असं कॅप्शन स्नेहलने हा फोटो शेअर करताना दिलं होतं. त्यानंतर या दोघांच्या अफेअरच्या आणि लग्नाच्या खूप चर्चा झाल्या होत्या. पण निखिल बनेने या सर्व अफवा असल्याचं म्हटलं होतं. त्यानंतर आता स्नेहलनेही यावर प्रतिक्रिया दिली आहे. “लोकांना फार क्रेझ असते की सेलिब्रिटींच्या आयुष्यात नक्की काय चाललंय ते जाणून घेण्याची. आतापर्यंत अनुष्का शर्मा काय करते, काय घालते, कशी राहते याबद्दल लोकांची क्रेझ मी पाहिली होती." पण, तो फोटो व्हायरल झाल्यानंतर तीच क्रेझ आमच्याबद्दल आहे हे बघून भारी वाटलं, असं स्नेहल म्हणाली. हा फोटो व्हायरल झाल्यानंतर निखिलला फायदा झाला, असं स्नेहल म्हणाली. निखिल बनेला इन्स्टाग्रामवर ब्लू टिक मिळाली. तसेच दोघांचे फॉलोअर्स वाढले असं स्नेहलने सांगितलं. वनिताच्या लग्नातील तो फोटो व्हायरल झाल्यानंतर स्नेहल व निखिलच्या फॉलोअर्समध्ये मोठी वाढ झाली आहे. (सर्व फोटो निखिल व स्नेहलच्या इन्स्टाग्रामवरून साभार)