सोशल मीडिया स्टार अंजली अरोरा दिसणार ‘खतरों के खिलाडी १३’मध्ये; अभिनेत्रीला वाटते ‘या’ गोष्टीची भीती

'कच्चा बदाम' या गाण्यामुळे अल्पावधीतच लोकप्रिय झालेली अंजली अरोरा इंस्टाग्रामवर एकाहून एक रील्स बनवून चाहत्यांचे मनोरंजन करत असते. तिची लोकप्रियता एवढी वाढली की टेलिव्हिजनवरील 'लॉक अप' या शोमध्ये तिला स्पर्धक म्हणून घेण्यात आलं. आता ती खतरों के खिलाडीमध्ये दिसणार आहे. नुकतंच तिने याबद्दल खुलासा केला आहे. तसेच या मुलाखतीमध्ये अंजली या कार्यक्रमात सहभागी होण्यासाठी काय तयारी करत आहे याचा खुलासाही तिने केला. 'इन्स्टंट बॉलिवूड'शी संवाद साधताना अंजली म्हणाली "मला पाली आणि सरड्यांची भीती वाटते, ज्यावर मी मात करायचा प्रयत्न करत आहे." याच मुलाखतीमध्ये अंजली अरोरा म्हणाली की ती आता 'खतरों के खिलाडी सीझन १३' साठी पूर्णपणे तयार आहे. अंजलीचे चाहते ही बातमी ऐकून चांगलेच उत्सुक आहेत. कारण आता रील्सशिवाय अंजली वेगवेगळे स्टंट करताना दिसणार आहे. अंजलीचे इंस्टाग्रामवर १२.५ मिलियन फॉलोअर्स आहेत. फोटो सौजन्य : अंजली अरोरा / इन्स्टाग्राम