प्रियांका चोप्राने विकली मुंबईतील ‘ही’ मालमत्ता; कोट्यवधी रुपयांचं झालं डील

अभिनेत्री प्रियांका चोप्रा सध्या तिच्या आगामी 'सिटाडेल' या नवीन वेब सीरिजमुळे सतत चर्चेत असते. या वेब सीरीजचा प्रचार करण्यात ती व्यस्त आहे. दरम्यान, प्रियांकाबाबत एक नवीन बातमी समोर आली आहे. प्रियांकाने मुंबईतील तिची एक प्रॉपर्टी विकली आहे ज्यासाठी तिला करोडो रुपये मिळाले आहेत. तिने मुंबईतील लोखंडवाला येथे असलेली तिची एक व्यावसायिक मालमत्ता विकली आहे. ही मालमत्ता वास्तु प्रीसिंक्ट, लोखंडवाला रोडच्या दुसऱ्या मजल्यावर आहे १७८१.१९ चौरस फूट कार्पेट क्षेत्रफळ आणि ४६५ चौरस फूट टेरेस क्षेत्राची ही कार्यालयीन जागा आहे. प्रियांकाच्यावतीने तिची आई मधु चोप्रा यांनी हा करार निश्चित केला आहे. ही मालमत्ता दंतचिकित्सक डॉ. नितेश आणि डॉ. निकिता मोटवानी या दाम्पत्याने खरेदी केली आहे. , तसेच याठिकाणी कार पार्किंगसाठी खुली जागा आहे. . ही मालमत्ता विकून प्रियांका चोप्राला ७ कोटी रुपये मिळाले. २०२१ मध्ये एका दंतचिकित्सक जोडप्याने ही भाड्याने घेतली होती. प्रियांका चोप्राची भारतात आणि परदेशात करोडोंची संपत्ती आहे. सध्या ती पती निक जोनास आणि मुलगी मालती मेरी चोप्रा जोनाससोबत लॉस एंजेलिसमध्ये राहत आहे. प्रियांका चोप्राच्या फिल्मी करिअरबद्दल सांगायचे तर, 'सिटाडेल'सोबतच ती 'लव्ह अगेन' या चित्रपटातही दिसणार आहे. तसेच ती 'जी ले जरा' या चित्रपटात आलिया भट्ट आणि कतरिना कैफसोबत स्क्रीन शेअर करताना दिसणार आहे. फरहान अख्तर या सिनेमाचं दिग्दर्शन करत आहे.