इलियाना डिक्रूझचे बेबी बंप दाखवतानाचे फोटो व्हायरल; नेटकऱ्यांनी “लग्न झालंय का?” म्हणत पुन्हा केलं ट्रोल

इलियाना डिक्रूझ ही सध्या सोशल मीडियावर चांगलीच चर्चेत असते. इलियाना डिक्रूझने गेल्या महिन्यात इन्स्टाग्राम पोस्टद्वारे तिच्या गरोदरपणाची घोषणा करून सर्वांना आश्चर्याचा धक्का दिला होता. इलियानाने सोशल मीडियावर आपल्या बेबी बंपचा फोटो शेअर केला होता. काही दिवसांपूर्वी, इलियाना कतरिना कैफचा भाऊ सेबॅस्टियनला डेट करत असल्याच्या चर्चा रंगल्या होत्या. पण इलियानाने आतापर्यंत त्याच्याशी लग्न केलेलं नाही. त्यानंतर आता इलियानाने गरोदरपणाची घोषणा करतातच तिच्या चाहत्यांना आश्चर्याचा धक्का बसला. आता पुन्हा इलियानाने बेबी बंप दाखवत एक खास फोटोशूट केलं आहे. मदर्स डेच्या निमित्ताने इलियानानेने खास फोटो तिच्या सोशल मीडिया अकाऊंटवर शेअर केले आहेत. या काळ्या ड्रेसमध्ये इलियाना बेबी बंप दाखवताना अत्यंत आनंदी दिसत आहे. सोशल मीडियावर तिचे हे फोटो चांगलेच व्हायरल झाले होते. याबरोबरच पुन्हा काही लोकांनी तिला "लग्न झालंय का?" किंवा "या मुलाचे वडील कोण?" असं कॉमेंट करत ट्रोलही केलं आहे. इलियाना नुकतीच रॅपर बादशाहच्या नव्या गाण्यात झळकली. त्या गाण्यात तिच्या वाढलेल्या वजनामुळे लोकांनी तिला प्रचंड ट्रोल केलं. आता मात्र इलियाना या नव्या फोटोंमध्ये कामालीची फिट दिसत आहे. फोटो सौजन्य : इलियाना डिक्रूझ / इंस्टाग्राम