मराठमोळ्या अभिनेत्रींचा पुरस्कार सोहळ्यात सन्मान, आई-वडिलांबरोबर शेअर केले खास फोटो…

दादासाहेब फाळके फिल्म फाऊंडेशन पुरस्कार सोहळ्यात मराठमोळी अभिनेत्री अमृता खानविलकरला चंद्रमुखी सिनेमासाठी सर्वोत्कृष्ट अभिनेत्रीचा पुरस्कार प्रदान करण्यात आला. मराठी चित्रपटसृष्टीतील महत्त्वपूर्ण योगदानाबद्दल अभिनेत्री मानसी नाईकचा सुद्धा सन्मान करण्यात आला. अमृता खानविलकर आगामी चित्रपटाच्या शूटिंगसाठी लंडन दौऱ्यावर असल्याने या पुरस्कार सोहळ्याला ती उपस्थित राहू शकली नाही. अमृताच्यावतीने तिच्या आई-वडिलांनी हा पुरस्कार स्वीकारला. अमृताने आनंद व्यक्त करीत इन्स्टाग्रामवर खास पोस्ट शेअर केली आहे. पोस्ट शेअर करीत अमृताने लिहिले की, "आई-बाबा धन्यवाद.. तुम्ही माझ्यावतीने हा पुरस्कार स्वीकारून माझा आनंद द्विगुणित केलात." अभिनेत्री मानसी नाईकने सुद्धा इन्स्टाग्रावर पुरस्कार सोहळ्याचे अनेक फोटो शेअर केले आहेत. ट्रॉफीसह आई-वडिलांचा फोटो शेअर करीत, मानसीने या पुरस्काराचे श्रेय आपल्या पालकांना दिले आहे. मुंबईतील मुकेश पटेल सभागृहात दादासाहेब फाळके फिल्म फाऊंडेशन पुरस्कारांचे २० मे रोजी आयोजन करण्यात आले होते.