ब्रिटीश राजघराण्याशी आहे पूजा देओलचं नातं, सनी देओलशी लग्नानंतर बदललं नाव, ३९ वर्षांमध्ये ‘असा’ बदलला लूक

करण देओलच्या लग्नानंतर त्याची आई पूजा देओल चांगलीच चर्चेत आहे. बऱ्याच वर्षांनी पूजाचे फोटो चाहत्यांना पाहायला मिळाले. या दोघांच्या लग्नाला ३९ वर्षे पूर्ण झाली आहेत. पूजा देओलचं खरं नाव लिंडा असून ती लंडनमध्ये २१ सप्टेंबर १९५७ साली झाला होता. तिच्या वडिलांचं नाव कृष्णन देव महल व आईचं नाव सारा होतं. पूजाची आई सारा महल ब्रिटिश होती, ती ब्रिटिश राजघराण्याशी संबंधित होती. सनी देओलशी लग्नानंतर पूजाने तिचं नाव बददलं. पूजा व सनी बालपणीचे मित्र असल्याचं म्हटलं जातं. दोघांनी १९८४ साली लग्न केलं होतं, पण त्यांच्या लग्नाबद्दल बराच काळ कुणालाही माहीत नव्हतं. लोक पूजा देओलला गृहिणी म्हणून ओळखतात. पण ती केवळ गृहिणी नाही तर एक लेखिका देखील आहे आणि तिने बॉलिवूडमध्ये काम केले आहे. तिने सनी देओलच्या 'यमला पगला दीवाना-२' या चित्रपटाची कथा लिहिली होती. पूजाने १९६६ मध्ये प्रदर्शित झालेल्या 'हिम्मत' या चित्रपटात पाहुण्या कलाकाराची भूमिका साकारली होती. त्यानंतर पूजाने कोणत्याच चित्रपटात काम केलं नाही. दरम्यान, १९९० साली पूजाने मोठा मुलगा करण देओलला जन्म झाला. त्यानंतर माध्यमांमध्ये पूजा देओल हे नाव चर्चेत आले. माध्यमांनुसार, लग्नानंतर सुरुवातीची काही वर्ष पूजा आपल्या वैवाहिक आयुष्यामध्ये फारशी आनंदी नव्हती. सनी देओलच्या अफेअर्सच्या चर्चा हे त्यामागे कारण होते. आता या दोघांच्या लग्नाला जवळपास चार दशकं झाली असून त्यांचा मोठा मुलगा करणचं लग्नही झालं आहे. (फोटो - वरिंदर चावला व करण देओलच्या इन्स्टाग्रामवरून साभार)