“लग्नापूर्वी माझे अफेअर्स होते” वनिता खरातने केलेला खुलासा, म्हणालेली “मला लग्न…”

'महाराष्ट्राची हास्यजत्रा' या कार्यक्रमातून प्रसिद्धीझोतात आलेली अभिनेत्री म्हणजे वनिता खरात. वनिता खरातचा आज वाढदिवस आहे. तिच्या वाढदिवसानिमित्त अनेक कलाकार, चाहते तिला शुभेच्छा देताना दिसत आहेत. वनिता काही महिन्यांपूर्वीच तिचा बॉयफ्रेंड सुमीत लोंढेबरोबर लग्नबंधनात अडकली. वनिता आता तिच्या सुखी संसारामध्ये रमली आहे. काही दिवसांपूर्वी दिलेल्या एका मुलाखतीत वनिताने तिच्या खासगी आयुष्याबाबत काही खुलासे केले होते. वनिताने यावेळी लग्नाआधी तिची अनेक अफेअर्स होती, असा खुलासा तिने केला होता. "लग्नाआधी माझे अनेक अफेअर्स होते." "त्याच गोष्टींमुळे माझं म्हणणं होतं की आता अफेअर करायचं नाही." "आता रिलेशनशिप आणि अफेअर असं काही न करता लग्न करुया, असं माझं मत झालं होतं." "पण आधी अफेअर करायचं नाही, थेट लग्न करुया, माझा लग्नावर जास्त विश्वास आहे, असं काहीही नव्हतं. मी या मताची नाही." "पण मला स्वतःला लग्न करायचं होतं." "कारण याआधी मी खूप अनुभव घेतला होता." "सुमित आणि माझंही लग्न करायचंच ठरलं होतं." "त्यामुळेच आम्ही दोघांनी मिळून लग्न करण्याचा निर्णय घेतला." असे वनिताने यावेळी सांगितले होते.