‘अशी’ आहे खुशबू तावडे-संग्राम साळवी यांची लव्हस्टोरी, अभिनेत्री म्हणाली, “मालिकेतून माझी एग्झिट झाली आणि…”

अभिनेता संग्राम साळवी आणि अभिनेत्री खुशबू तावडे यांची जोडी ही मराठी मनोरंजन सृष्टीतील लोकप्रिय जोड्यांपैकी एक आहे. २०१८ साली ते दोघे विवाहबद्ध झाले. सोशल मीडियाच्या माध्यमातून ते एकमेकांबद्दलचं प्रेम व्यक्त करत असतात. तर आता खुशबूने त्यांची लव्हस्टोरी सर्वांना सांगितली आहे. खुशबू सध्या तिच्या ‘सारं काही तिच्यासाठी’ या मालिकेमुळे खूप चर्चेत आहेत. नुकतीच या मालिकेतील कलाकारांनी 'होम मिनिस्टर' कार्यक्रमामध्ये हजेरी लावली. त्यावेळी खुशबूने तिचे आणि संग्रामचे सूर कसे जुळले हे सांगितलं. ती म्हणाली, “आमचं शूटिंग सेटवरचं जमलं." "संग्रामची एक मालिका सुरू होती. तिथे आमची भेट झाली." "पण खरी आमची लव्हस्टोरी सुरू झाली ती मी त्या मालिकेतून एग्झिट घेतल्यानंतर." "मग तेव्हा आम्ही एकमेकांचे नंबर शोधण्यापासून सगळं केलं.” “यात आम्ही दोघांनीही कष्ट घेतले नाहीत. ते सगळं आपोआप होत गेलं." "आतापर्यंत आमच्यापैकी कोणीही एकमेकांना प्रपोजही केलेलं नाही. त्या सगळ्या कळण्यासारख्याच गोष्टी होत्या.”