‘प्रेमाची गोष्ट’ मालिकेच्या सेटवरील तेजश्री प्रधानच्या ‘या’ आहेत जवळच्या व्यक्ती; म्हणाली…

तब्बल दोन वर्षांनंतर तेजश्री प्रधान प्रेक्षकांचे मनोरंजन करण्यासाठी सज्ज झाली आहे. आजपासून तिची नवकोरी मालिका 'प्रेमाची गोष्ट' सुरू होतं आहे. तेजश्री पुन्हा एकदा या मालिकेतून नव्या भूमिकेत पाहायला मिळणार आहे. या नव्या मालिकेच्या निमित्तानं 'स्टार प्रवाह'च्या इन्स्टाग्राम पेजवर तेजश्रीचे काही व्हिडीओ शेअर करण्यात आले; ज्यामधून तिनं विविध प्रश्नांची उत्तर दिली आहे. तेजश्रीनं 'प्रेमाची गोष्ट' मालिकेच्या सेटवरील जवळच्या व्यक्ती कोण आहेत? याचा खुलासा केला आहे. 'प्रेमाची गोष्ट' मालिकेच्या सेटवरील तेजश्रीची पहिली जवळची व्यक्ती म्हणजे तिच्या आई भूमिका साकारणाऱ्या अभिनेत्री शुभांगी गोखले. त्यानंतर दुसरी जवळची व्यक्ती म्हणजे तेजश्रीच्या वडिलांची भूमिका साकारणारे अभिनेते योगेश केळकर. तसेच सेटवरील तेजश्रीच्या तिसरी जवळची व्यक्ती म्हणजे मालिकेचा हिरो अभिनेता राज हंचनाळे. दरम्यान, ‘प्रेमाची गोष्ट’ मालिकेत चिमुकल्या सईवरच्या प्रेमापोटी दोन विरोधी स्वभावाचे मुक्ता आणि सागर कसे एकत्र येतात? दोघांमधील प्रेम कसं बहरत? हे पाहायला मिळणार आहे.