‘जवान’मध्ये शाहरुख खानने घातली आहे खास अंगठी; किंमत वाचून बसेल धक्का

शाहरुख खानचा बहुचर्चित चित्रपट जवान ७ सप्टेंबरला चित्रपटगृहांमध्ये प्रदर्शित झाला आहे या चित्रपटाला प्रेक्षकांकडून जबरदस्त प्रतिसाद मिळत आहे पहिल्याच दिवशी या चित्रपटाने बॉक्स ऑफिसवर ७५ कोटींची कमाई केली होती. चित्रपटातील शाहरुख खानचे लूकही चांगलेच व्हायरल झाले आहेत. या चित्रपटात शाहरुख खानने हाताच्या बोटांमध्ये एक रिंग घातली आहे. सिंहाच्या आकाराची ही रिंग आहे. या अंगठीची किंमत ४० ते ५० हजार रुपये असल्याचे सांगण्यात येत आहे. या अंगठीत एक मोठा हिरा आहे. या हिऱ्याची किंमत ५९० डॉलर म्हणजे जवळपास ५० हजार रुपये आहे. ३५० कोटींचे बजेट असलेल्या या चित्रपटामध्ये शाहरुखच्या लूकवर मोठा खर्च करण्यात आला आहे. सुरुवातीला या चित्रपटाचे नाव ‘लॉयन’ ठेवण्यात आले होते मात्र नंतर ते बदलून 'जवान' करण्यात आले. कमाईच्या बाबतीत बोलायचं झालं या चित्रपटाने अनेक रेकॉर्ड मोडले आहेत. पहिल्या दिवसाच्या कमाईमध्ये या चित्रटाने पठाणलाही मागे टाकले आहे. प्रेक्षकांचा वाढता प्रतिसाद पाहता हा चित्रपट आणखी नवे विक्रम बनवेल अशी शक्यता वर्तवण्यात येत आहे.